Pas prozimit të Lulit për vetingun e politikanëve, Jari u vendos para dilemave të mëdha.
Ishte e qartë për të, se Luli po bënte përpjekjen e dytë për të eleminuar njerëzit e Doktorit.
Dhe vendosi të shkruajë diçka:
“Vetingu është shpikje e Sorosit. Duhet të gjejmë një rrugë tjetër”.
Dhe më poshtë vazhdoi:
“Të nderuar lexues. Jari ju sqaron!
Desha të them se kam qenë dhe jam gjithnjë dakord me pastërtinë e politikës, dhe vetë jam një shembull i tillë.
Gjithë jetën time politike, kam bërë vetëm detyrën.
Gjërat e tjera i ka bërë gruaja.
Kështu mendoj se ka qenë dhe Luli.
Ai ka pas në krah dhe Kunatin.
Ajo që unë mendoj tani, është se ne duhet të shmangim këtë fjalën Veting, se kjo është shpikje e Sorosit.
Ne duhet të gjejmë një mekanizëm tjetër spastrimi të politikës, që nuk ka më lidhje me Vetingun, pasi kjo fjalë na bën të humbasim pike, se duket sikur do spastrojmë PD-në.
Të gjithë jemi të qartë se Sorosi e implementoi reformën në drejtësi dhe ai shpiku Vetingun.
Tani, pasi të mbarojë punë me drejtësinë, drejtësia e re do bëj Vetingun e politikës.
Kjo do të thotë që ata mund të bëjnë ndonjë pazar për të mëdhenjtë, por ata poshtë do t’i eleminojnë të gjithë nga ana jonë.
Ndaj mendoj se duhet të mos e zëmë më në gojë këtë fjalë.
Shqipja ka plot fjalë të tjera të bukura që mund ta zëvendësojnë këtë fjalë.
Përshembull, fjala reformim, ka më shumë kuptim.
Se kështu nuk trembet njeri nga Vetingu.
Ndryshe duket sikur kjo gjë po bëhet për të eleminuar njerëzit e Doktorit në PD, gjë që nuk e besoj se është dhe qëllim i Lulit.
Po kështu mund të keqkuptohet dhe LSI, dhe figurat e saj.
Ndaj duhet të bëjmë kujdes.”
