Jarit i pëlqeu shumë sot fakti që Meta kishte zgjedhur Milosheviçin si figurë për të inkurajuar opozitën shqiptare të marrë pjesë në zgjedhje.
Nga një vëzhgim i hollë që bëri Jari, i rezulton se ky është një kërcënim serioz për opozitën, madje dhe Monën për shkak të ngjashmërive që ka vetë familja e tyre në disa pika me Milosheviçin, të cilat Jari i qëmtoi me kujdes.
Ja 10 pika të përbashkëta që zbuloi Jari dhe që mendon se krahasimi me Milosheviçin ishte dhe një kërcënim për Monikën.
1.Të dy politikanët edhe Milosheviçi edhe Meta i kanë gratë politikane dhe kryetare të partisë së tyre. Mira Markoviçi ishte kryetare e partisë së Milosheviçit kur ai ishte president, ndërsa Monika kryetare e LSI, kur Meta u bë President.
2.Gjatë kohës që Milosheviçi ishte president, partia e Mirës ishte në opozitë. Edhe gjatë kohës që Meta është president, partia e gruas është në opozitë.
3.Edhe Mira Markoviçi edhe Monika Kryemadhi janë doktore shkencash.
4.Të dy familjet kanë lidhje me biznesin e guroreve. Milosheviçët në Valjevo ndërsa Metët në Malin e Tomorrit.
5.Të dy familjet janë akuzuar padrejtësisht për përfshirje në krim dhe korrupsion.
6.Të dy familejt kanë një debulesë, herë të hapur e herë të fshehur për rusët.
7.Të dyja familjet kanë probleme me amerikanët dhe nuk i durojnë dot.
8.Edhe Milosheviçi kishte premtuar se nuk do dorëzohej dhe ishte gati të vetvritej.
9.Edhe Milosheviçi edhe Meta, përdorin Kosovën për hallet e tyre kur janë në pushtet.
10.Edhe Mira Markoviçi edhe Monika Kryemadhi mbajnë mbiemrat e tyre dhe jo të burrave.
Sipas Jarit, këto ngjashmëri kanë bërë që Meta të reflektojë dhe ti tregojë opozitës se nuk është mirë të ngjajnë në finale me fatin e Milosheviçit.
