Vendimi i sotëm i dalë nga CAS i Lozanës, për përjashtimin e klubi të Skënderbeut me 10 vite nga Kupat e Europës, ka bërë bujë jo vetëm në Shqipëri, por edhe në të gjithë botën. Korçarët kishin dominuar futbollin në vend dekadën e fundit, duke fituar gjashtë tituj kampionë radhazi si dhe arritën të merrnin pjesë në turet play-off të Champions League si dhe në fazën në grupe të Europa League.
Brenda pak orësh, media dhe portale të ndryshme në botë kanë raportuar për këtë ngjarje të paprecedent në histori, pasi për herë të parë një klub është dënuar duke u bazuar mbi luhatjet e koeficientëve të basteve.
Nga amerikania “FOX Sports”, për të vazhduar me radhë me media të njohura në Europë, si “O’Jogo” e Portugalisë, apo “Fanatik” në Turqi, pa harruar agjencinë e lajmeve “AFP” apo edhe italiania “Gazzetta dello Sport”, të gjithë me radhë kanë pasqyruar këtë lajm i cili sigurisht që ndryshon pikëpamjet mbi manipulimet e ndeshjeve në botë.
Në të gjitha theksohet se ky është vendimi më i rëndë i dhënë ndonjëherë nga UEFA për çështje të ngjashme manipulimesh, duke u kthyer në rastin më të bujshëm dhe në dosjen më voluminoze që është marrë në shqyrtim pasi ndërkombëtarët kanë sinjalizuar edhe për 50 ndeshje të manipuluara në kampionatin
.
