Kryeministri Edi Rama mori pjesë sot në ceremoninë e inaugurimit të godinës së re të Ujësjellësit të Kamzës.
Gjatë fjalës së tij Rama theksoi se Ujësjellësi është kthyer në një ndërmarrje që punësohen militantë, krushq e kushërinj, por sipas kryeministrit kjo duhet të marrë fund.
“Ujësjellësi kanë qenë historikisht ndërmarrje për të punësuar militantë, krushq, kushërinj pa pasur parasysh se për çfarë janë krijuar. Jo vetëm kaq, pro ndërmarrjet e ujësjellësit për shkak të keqmenaxhimit janë me më shumë borxhe në republikë. Një pjesë e madhe e atyre vazhdojnë ti akumulojnë.
Sasia borxheve është më e madhe se e OSHEE. Kjo nuk mund të vazhdojë kështu. Nuk mund të jenë gjë tjetër veçse ndërmarrje me kapacitete të plota. Në këtë aspekt kemi shembuj pozitivë si rezultat i mbështetjes së qeverisë gjermane dhe zvicerane.
Nuk mund ta meritojë që të mbetet në duart e paafta. Kjo sjellje e vjetër ka krijuar shumë kosto. E fundit që dua të them sot është që reforma e ujit e cila në letër është shumë e qartë ka nevojë për një shtytje të re përpara. Nuk mund të jenë ndërmarrje që mbahen me miell hua,” u shpreh Rama.
Rama, njoftoi unifikimin e sistemit të Ujësjellës Kanalizimeve gjatë lançimit të programit të BE për sektorin e ujit në Kamëz.
“Nuk kemi pse kemi këto ndërmarrje ujësjellësi veç e veç duhet të kemi aksionerë që funksionojnë së bashku brenda një ndërmarrjeje. Me implementimin e reformës, Ujësjellës kanalizime do të funksionoje si një i vetëm dhe nuk do të ketë me Ujësjellës kanalizime, Tirane, Ujësjellës kanalizime Kamëz, apo Ujësjellës Kanalizime në Kavaje.
Nuk kemi pse kemi këto ndërmarrje ujësjellësi veç e ve duhet të kemi aksionerë që funksionojnë së bashku brenda një ndërmarrjeje. Mund të bashkohen dhe të gjithë së bashku të jenë aksionerë. Kjo do të thotë që jo të hidhen në rrugë njerëzit që punojnë, por të jetë në shërbim të qytetarëve, jo një kope me thithlopa që fryhen me borxhet në kurriz të qytetarëve”, tha Rama.
