Deputeti Flamur Noka thotë se hetimi i Toyota Yaris zbuloi dy anët e medaljes së kësaj çështje, në njërën anë Balla dhe në tjetrën Basha.
Noka thotë se Basha deklaratat që i shiti si denoncim i kishte paralajmërim për trafikantët që të shpëtonin paratë.
Noka: Historia e Toyota Yarios është bërë legjendë. Në fillim mendohej se Lulzim Brava bëri një zbulim, askush nuk mendonte që atë “zbulim” fshihej diçka e madhe. Koha vërtetoi që Toyota Yaris nuk kishte vetëm fytyrën e Taulant Ballës por kishte të dy anët, në njërën Toyota Yaris me fytyrën e Lulzim Bashës dhe në anën tjetër të Taulant Ballës. Është rast i paprecedent, që kreu i opozitës të jetë i akuzuar me prova dhe fakte sa është sulmuar dhe akuzuar peng Basha. Braktiste të gjitha nismat dhe aksionet për pazare. Edhe për Toyota Yaris, atë që menduam se e bëri si zbulim e kishte për trafikantët që tu bënte me dije se po ndiqeshin, të shpëtonin paratë.
Mbrëmjen e sotme Basha u thirr në SPAK për tu marrë në pyetje nga prokurorët belgë, ku qëndroi për 2 orë.
Noka thotë se Basha nuk është thirrur në cilësinë e dëshmitarit, por si pjesë e listës së grupit të strukturuar kriminal.
Noka: Prokurorët kanë një listë që akuzohet si grup i strukturuar kriminal dhe në fund të listës është peng Basha. Nuk është dëshmitar por pjesë e një grupi. Ka gjë më të rëndë sesa kreu i opozitës të jetë pjesë e një grupi të strukturuar kriminal që merret me pastrimin apo transportin e parave të drogës, deri në këtë pikë ka shkuar implikimi dhe babëzia.
Besimin e ka të plotë se autoritetet hetimore të Belgjikës do të hedhin dritë mbi këtë çështje.
Noka: Besoj shumë, fakti që ata kanë mbërritur në Shqipëri, prej kaq vitesh insistojnë shumë të zbardhin këtë çështje.
I pyetur se pse Basha ka refuzuar të shkojë në Belgjikë por detyroi prokurorët belgë të vijnë në Tiranë, Noka ka këtë përgjigje.
Noka: E implikon më shumë peng Bashën në këtë aferë kriminale, nuk ka guxuar të shkojë sepse në Belgjikë do të trajtohej siç është në letra, anëtar i një bande kriminale. Në Shqipëri ai shpëton se është pengmarrësi që i jep imunitet përpos atij që e ka ligjërisht. Me ligjet e shtetit belg duhet të ishte diku tjetër jo në parlament, prandaj nuk shkon në Belgjikë.
