Situatat janë tensionuar shumë midis çiftit Beatrix dhe Donaldit të cilët duken se janë më afër ndarjes. Pasi pas mbarimit të spektaklit në shtëpinë e “Big Brother VIP Albania” nisi një debat i ashpër mes çiftit. Ishte Donaldi që i tha më mirë vetëm.
Kjo situatë arriti kulmin e saj kur Beatrix shprehu në dhomën e rrëfimit se ndihej se partneri i saj nuk ishte si në fillimet e tyre dhe gjërat kishin ndryshuar shumë midis tyre.
Ndërkohë, Donaldi u shpreh se veprimet e Trixës i kanë shkaktuar shumë bezdisje.
Kështu, gjatë ditës së sotme, aktori i humorit e ka patur të nevojshme të bisedojë me Beniadën lidhur me këtë situatë.
Ajo e ka këshilluar duke i thënë se me një vajzë si Beatrix duhet të ketë kujdes, pasi është shumë e ndjeshme dhe duhet të sillet si një psikolog.
“Mos flit me të tjerët për gjërat e tua personale me Trixën. Kur ka diçka, kape Trixen direct veç dhe pyete ‘Pse je kshu?’ ‘Pse je e mërzitur?’ ‘Hajde flasim bashkë’. Ose kape në fillim fare me shaka për ta çdramatizuar, pastaj nise bisedën e thellë.
Ajo është shumë e ndjeshme dhe shumë sensitive, duhet të bësh pak psikologun me të.”
Nga ana tjetër, Donaldi dukej i shqetësuar duke këmbëngulur se ishte munduar me këngëtaren por dhe ai tha se “ka nevojë për psikolog”.
Çfarë ndodhi mbrëmë gjatë dhe pas spektaklit:
Gjatë sqarimit të gjatë që kanë pasur mes tyre, Donaldi është shprehur se në këtë pikë të lojës është më mirë që secili prej tyre ta vazhojë rrugëtimi i vetëm. Se çfarë e bëri ‘demin’ të ndryshonte qëndrim nga deklaratat e disa javëve më parë ku thoshte se e donte Beatrix, dhe nuk do ta lëndonte kurrë, këtë mund ta thojë vetëm ai.
Në shumicën e kohës, Donaldi është ndjerë pishman për hapin e tij të nxituar, e pikërisht tani duket se ka shfrytëzuar një moment të dobët të Beatrix, për ti dhënë edhe goditjen finale, edhe pse këngëtarja tregoi një moment pjekurie, ditën kur në shtëpinë e Big Brother fluturoi parashuta për ditëlindjen e ishit të të dashurit të saj.
“E kam shumë të vështirë që të flas me ty, as nesër as pasnesër, as deri sa të mbaroj ky format”, i tha Donaldi Triksës, e cila shihej e prekur nga diskutimi.
‘Po e kthej nga të gjitha anët, mendoj se ti duhet të jesh vetëm’, thotë ai në një tjetër moment, duke vijuar me akuzat ‘më mirë të ta them atë që mendoj, në shumë raste ti je fëmijë’.
“Nuk jam unë as robot, as klloun ja q*ifsha ropt, kam dhe unë mendjen time”, vazhdoi Donaldi.
“Nuk po ta kërkoj këtë gjë, asgjë s’po të kërkoj tha më tej”, Triksa.
Fjalën klloun Donaldi e përmendi edhe gjatë shoë-t, duke thënë se nuk e paguante Triksa që të qëndronte gjatë gjithë kohës me të. Deklarata e tij u kundërshtua fort edhe nga Arjola.
