Me punën që bënim, mund të bleje shtëpi e katandi. Ndërtonim pa leje, blinim pa letra, vidhnim sa të na donte qejfi, tokë, ujë drita dhe çfarë na e shikonte syri, na e rrëmbente dora. Kurse ky i mallkuar na varfëroi, ndaj kalamaj edhe unë me babain do shkoj në protestë
Nga Durim Madhi
Pasaniku varfanjak ishte në dilemë dhe në hall të madh, sepse po i humbte shpresa, nga gënjeshtrat pa fund, të miqve të vjetër!
Ai e mendoi gjatë, se çfarë do të bënte nesër, sepse i premtuan shumë gjëra, e ai as në ëndërr nuk i kishte parë, e jo më t’i realizonte. Mirëpo, për fatin e keq të tij, atë nuk e kishte zënë gjumi, jo se kishte ndonjë plan, por kishte plan “mendja”, që kishte ditë që e shqetësonte, kur dëgjoi se jepnin 200 mijë euro për të ngrënë fjalën, për një të mbaruar nga droga, burgu, rakia dhe bixhozi, i’u ngritën qimet përpjetë.
Aty mbaroi mëdyshja, vendosi të protestonte në Tiranë, e pse jo edhe të luftonte për të bërë Ministër Lulzim Bashën, që zbulon çdo gjë dhe ishte vërtetë ministri, që i duhej Shqipërisë. Për pak sa nuk qau nga mallëngjimi, kur i vërshuan në kokë kujtimet e hershme, të kohës: “Ha o Muço, pi o Muço!”
Si mund të harronte çobani sofrat madhështore me qofte e birrë, tek qebatorja “Çadra e Shurrës” vitin që shkoi dhe qejfin më të madh të jetës së tij, duke ngrënë, pirë dhe ruajtur një copë çadër?!
Si mos ta urrej Ramën që ua shëmbi çadrën, pa e prekur, vetëm me një dorë në qafë lulit dhe një gisht…?!
Pastaj, ai është i bindur se Lulzim Basha është Ministri i Brendshëm që na duhet ne, që do e ndjekim dhe atyre që e presin.
Si mund të harroj varfanjaku djathtistë (specie që nuk ekziston në botë), se sa mirë ka jetuar me Lulin, kur edhe gjembat të dukeshin trëndafil në vazo?!
Hashash mbolli sa i deshi qejfi, bile i harronte delet në Qafë Muzinë, kur kishte sezonin e vaditjes dhe të korrjes! E për çfarë i hynin në punë delet, kur kishte qumësht në pazar badiava, pa lekë për atë, kalamajtë, Lulin, shokët e Lulit dhe gjithë ata, që i donin të mirën bujqërve shqiptarë anembanë?!
Nuk mund t’i duroj të qarat e gruas kur shkul flokët, e vajton me shpirt:
Oi, oi, po ky qen qafiri, që e zuri haka e jonë, se ne kemi mallkim të keq kur varfërohemi, erdhi e na i shkatërroi pronat, parcelat, na i mblodhi dhe armët, na la vetëm shtëpitë dhe bagëtitë, që tani nuk dim as t’i ushqejmë… nuk ka për ta bitisur qeverinë.
Oi, oi, nuk i duam shtëpitë, shtëpi i thënçin, se kemi dy a tre, por kush i mban me drita dhe energji, sepse kur ishte Luli edhe sustat e krevatit i përdornim për rezistenca.
Me punën që bënim, mund të bleje shtëpi e katandi. Ndërtonim pa leje, blinim pa letra, vidhnim sa të na donte qejfi, tokë, ujë drita dhe gjithëfarë na e shikonte syri, na e rrëmbente dora. Kurse ky i mallkuar na varfëroi, ndaj kalamaj, edhe unë me babain do shkoj në protestë.
Ne jemi e ardhmja e modelit të protestuesit, pas Lulzim Bashës për Lulin Ministër i Brendshëm. Poshtë qytetarët dhe qytetari!/Ekskluzive.al
