Më 25 maj është planifikuar të luhet finalja e Conference League, mes Romës dhe Feyenoord në Tiranë, në stadiumin “Air Albania”. Kërkesat për bileta nga tifozeritë e dy skuadrave kanë qenë të shumta, çka ka sjellë edhe një kaos.
Në shitje është nxjerrë një shifër prej 8 mijë e 500 biletash, për tifozeritë e dy skuadrave, ndërsa pjesa tjetër do të menaxhohet nga UEFA.
Ditën e djeshme, Feyenoord, hasi një problematikë, duke i kërkuar llogari UEFA-s, për orain e nxjerrjes në shitje të biletave, që ishte njoftuar se do të dilnin në shitje ditën e djeshme në orën 14:00, por dolën dy orë më herët, pra në 12:00.
Klubi holandez kërkoi llogari në UEFA dhe këta ët fundit në një sqarim të bërë, deklarojnë se problemi është i drejtë, por nuk do të ketë bileta shtesë për tifozët e Feyenoord.
Gjithashtu bëhet e ditur, se 89% të biletave që u nxorrën në shitje ditën e djeshme, janë blerë nga shqiptarët, ndërsa 11% nga tifozë jashtë vendit, ku pjesa më e madhe, janë të Romës.
Nuk do të ketë më bileta në shitje për finalen e UEFA Conference League, që do të luhet më 25 maj në Tiranë, pasi të gjitha janë shitur.
UEFA na informoi këtë mëngjes gjatë një takimi. Në këtë takim, UEFA na kërkoi falje, pasi website i tyre i nxori në shitje biletat më përpara se sa duhet. Si pasojë, tifozët e Feynoord nuk arritën të merrnin biletat e tyre dhe ne si klub iu drejtuam UEFA-s për t’u ankuar për këtë problem.
Sipas UEFA, 89% e biletave janë shitur për shqiptarët, ndërsa 11% të biletave janë shitur tifozëve nga 20 shtete të ndryshme. Kjo do të thotë se tifozët e Romës kanë arritur të marrin biletat e tyre, ndërsa tifozët e Feynoord, jo!
