Pas pamjeve tronditëse që vijnë nga Kakavija, ku mijëra qytetarë shqiptarë presin në radhë të kalojnë kufirin me Greqinë, Karmina vendosi të bëjë një postim në ndihmë të qytetarëve, duke treguar eksperiencën e saj:
“Të dashur qytetarë!
Shikoj radhët tuaja kilometrike në Kakavijë dhe Kapshticë, dhe nuk e kuptoj pse duhet të torturoheni kaq ditë për të kaluar në Greqi.
Unë kam eksperiencën time javën e shkuar.
Duhet të ikja në Greqi me pushime dhe rruga më e lehtë është të marrësh një jaht luksoz.
Nëse merr jahtin luksoz, ti mund të futesh pa pengesa në portin e Korfuzit dhe aty nuk kishte radhë fare.
Unë nuk di sa kushtoi fiks jahti, po mendoj se ndryshe nga unë dhe Zeni, që mund ta paguajmë vetë, ju mund të bëheni rreth 30 veta për ta paguar, dhe hyni lehtë.
Aty dhe kushtet janë shumë të mira, nuk keni nevojë për tualete portative apo ushqime, se për 20 minuta arrini në Korfuz.
Unë do përpiqem të bëj një postim për miqtë e mi që kanë jahte luksoze, t’ua vënë në dispozicion këto ditë, me qëllim që të lehtësoni vuajtjet në kufi.
Kjo që po shikoj është e papranueshme.
Për pak më tepër shpenzime ju mund të udhëtoni të qetë drejt Greqisë.
Merlin Monro ka thënë, se ndonjëherë është më lirë të jetosh në luks, dhe më shtrenjt të jetosh në varfëri, me shpresë se do pasurohesh.
Kjo më ka motivuar gjithnjë në jetën time dhe ja kam dalë.”
