Ballshiotja 25-vjeçare Kejdi Mehmetaj u kthye sot në “deputeten hit” për keq në Kuvendin e Shqipërisë. Vajza studente e përjetshme në Universitetin Politeknik të Tiranës, Fakulteti i Inxhinierisë së Ndërtimit, e qetë, ftohtë dhe pa pikën e turpit, plasi mbi kokat e ‘baballarëve’ kolegë shishen me ujë.
Fakti është se nga LSI e Monës dhe Ilirit nuk pritet të dalë në dritë dinjitet, se “fëmija shembull prindin ka”. Dhe në një parti ku gëlon, korrupsioni, krimi, nuk pritet të ketë edukatë.
Aq më tepër kur liderja Monikë heq nga këmba çizmen për të gjuajtur kryeministrin dhe i qëndron këtij veprimi me kokën krenare.
I tillë është edhe reagimi i Kejdit. Ajo pretendon se do të shporrë me ujë kastën e inkriminuar të politikës, duke rënë në veprime të padenja edhe vetë.
“Taulant, unë po luftoj të keqen, po luftoj krimin dhe korrupsionin!
Ti e të gjithë ju, të zhytur e mbytur në llumin e Ditmirit dhe Edi Ramës, nuk keni as moral dhe as fytyrë të më gjykoni mua dhe brezin tim, që ka për mision t’a pastrojë Shqipërinë nga ju!
Ti shko kërko motrën!…” , shkruan Kejdi në një reagim të saj, ku nuk vërehet asnjë grimë reflektimi, përkundrazi gabimi trashet akoma më shumë.
Shto pastaj veprimin skandaloz ku konstohet se miellin që iu plas fytyrave të qeverisë në sallë e futi po Kejdi Mehmetaj, duke e fshehur në vendet intime të trupit. Me pas ia dha Monika Kryemadhit dhe kjo e fundit ia kaloi Ervin Salianjit.
Zhgënjyese që rina qorrazi përdoret dhe edukohet për interesa të zeza! Pamjet flasin vetë…/ Pamfleti.com
