Prokuroria e Posaçme ka lëshuar ditën e sotme urdhërarrest për Shefin e Qarkullimit rrugor të Tiranës, Roven Zeka. Sipas hetimeve të SPAK, Zeka është përfshirë në veprën penale të korrupsionit duke i marrë rryshfet një gruaje që ishte përfshirë në një aksident
Bëhet me dije se kur përfaqësuesit e Agjencisë së Mbikqyrjes Policore dhe Agjentët e BKH-së shkuan për ta arrestuar, shefi i Rrugores në kryeqytet ka tentuar që të arratiset. Por teksa ka tentuar të largohet, këmbët “e kanë lënë në baltë” pasi është rrëzuar dhe ka dëmtuar gjunjët. Në këtë moment agjentët e BKH-së e kanë arrestuar në flagrancë.
Udhërarresti ndaj Zekës është lëshuar pas një denoncimi nga një qytetare e cila është shprehur se shefi i qarkullimit rrugor së bashku me dy zyrtarë të tjerë të policisë i kanë kërkuar para për ti kthyer patentën. Zeka pretendon se është i pafajshëm dhe nuk ka pranuar të prangoset. Urdhërarreste nga SPAK janë firmosur edhe për Shefin e Sektorit të Aksidenteve, Sokol Novaku e për Oficerin e Policisë Gjyqësore, Edison Tabaku.
