Një avokat austriak do të japë llogari për vjedhjen e 20 kilogramëve flori, me një vlerë prej rreth 700 000 euro, të cilat ia ka marrë një 70-vjeçareje me të cilën kishte krijuar miqësi falë pasionit të njëjtë që ndanin për operan.
Pasi mësoi për ekzistencën e këtij floriri, që gruaja e ruante në shtëpi, avokati i tregon një krimineli rumun të cilin e kishte mbrojtur në gjykatë.
Në vjeshtë, sipas një plani të përpunar në imtësi, avokati fton 70-vjeçaren për darkë dhe më pas e nxit që ajo të kalojë natën në shtëpinë e tij.
Në shoqërinë e një ndihmësi, ky i fundit, hyn në apartamentin e saj dhe të kërkojë, madje duke hapur edhe vrima nëpër mure, por më kot, pasi nuk arriti të gjente floririn.
Avokati arrin të zbulojë ku fshihet floriri. Ai ndodhej në sirtarin sekret të një komoje.
Në paraburgim prej pesë muajsh, avokati, që ka pranuar faktet, pohon se është detyruar nga bashkëpunëtori i tij rumun, shkruan atsh.
“Megjithatë, ai ka garantuar se do të rimbursojë këtë shumë. Në fakt ai ka në pronësi dy apartamente që janë nxjerrë në shitje”, sipas avokatit të tij mbrojtës, Werner Tomanek i cituar nga agjencia zyrtare austriake APA.
