Dalin pamjet nga makina ku thuhet se ishin fshehur kartat e identitetit dhe paratë. Siç duket edhe nga pamjet, viktima Pjerin Xhuvani po qarkullonte në një mjet tip “Benz”, me targa AA010CC.
Mjeti është rrethuar nga ekspertë të kriminalistikës, ndërsa po kontrollohet me detaje për çdo shenjë që mund të zbardhë dinamikën e ngjarjes.
Një viktimë dhe 4 të plagosur është bilanci i një përplasjeje e cila rezultoi fatale. Pjerin Xhuvani, një emër i njohur i botës së krimit në Elbasan, me një organizim të hershëm politik në LSI e së fundmi në PS.
Ndërsa autori mendohet se është një nga anëtarët e shtabit të PD, Arbër Papleka, ish-oficer i RENEA. Ai është arrestuar tashmë nga policia dhe ka thënë se e gjitha ka qenë për vetëmbrojtje.
