Evi Kokalari ka pohuar se do i dorëzojë një ketër kongresmenes Marjorie Taylor Greene, lidhur me Sali Berishën.
Ajo shkruan se letra do i dorëzohet asaj nga një tjetër kogresmen dorazi. Në letër ajo shkruan se Berisha po lobon dhe po përdor PR-in e tij për të botuar shkrime në media amerikane për ta përshkruar atë si Trump-i i Shqipërisë që po persekutohet politikisht.
Në letrën e Kokalarit shkruhet se Berisha nuk ka asgjëtë përbashkët me Trump-in, pasi kreu i PD-së është krijesë e Deep State dhe kënetës dhe ka bërë marrëveshje me komunistët për të ardhur në pushtet, më pas më Goerge Soros që e solli në pushtet në vitin2007 dhe tani po përpiqet të manipulojë MAGA-n etë përdore DOGE-n në favorin e tij.
Kokalari thekson më poshtë se Berisha nuk është përndjekur kurrë politikisht.
“Po ndaj me ju pjese nga dy faqe leter qe do t’i jepet sot kongresmenes Marjorie Taylor Greene, ne reference te Berishes.
Letra, do i jepet direkt ne dore nga nje kongresmen tjeter.
“…Në vend të kësaj, Berisha po lobon dhe po përdor shërbimin e tij PR për të botuar shkrime në media si Washington Examiner, i cili e përshkruan Berishën si Trumpin e Shqipërisë që po persekutohet politikisht, ashtu si Presidenti ynë.
Sali Berisha nuk ka asgjë të përbashkët me presidentin Trump. Presidenti ynë nuk ishte i korruptuar dhe ishte vërtet i persekutuar. Berisha, nga ana tjetër, është mishërimi i një krijese të Deep State dhe kënetës që bëri marrëveshje me komunistët që ta instalonin në pushtet, bëri marrëveshje me vetë George Soros që e solli në pushtet në 2007 dhe pikërisht tani po përpiqet të marrë peng MAGA-n dhe të përdorë DOGE-n në dobi të tij.
DOGE është e vetmja mundësi që ne si amerikanë kemi për të pastruar kënetën dhe nuk mund të lejojmë që krijesat e kënetave të Shqipërisë të fshihen pas saj. Ndërsa DOGE heton mashtrimin dhe abuzimin e USAID-it, ky mashtrim dhe abuzim nuk ka asnjë lidhje me ‘persekutimin politik’ të Sali Berishës.
Sali Berisha nuk ka qenë asnjëherë i përndjekur politik. Me të drejtë e kemi sanksionuar Sali Berishën dhe ai po hetohet për korrupsion të thellë, i cili ka 33 vjet. Nëse Berisha mashtron qeverinë dhe zyrtarët tanë dhe hiqen sanksionet, opozita dhe demokracia do të marrin fund në Shqipëri edhe për 30 vjet.
Kërkoj me përulësi që komiteti DOGE të korrigjojë procesverbalin dhe ta heqë si shembull, pasi ai e përdor atë në Shqipëri për arsye politike. Falë seancës dëgjimore të DOGE, Sali Berisha pretendon të ketë mbështetjen e komitetit të Elon Musk (kështu po e inkuadron në media) dhe mbështetjen e Kongresit. Por ne të gjithë e dimë se kjo është shumë larg së vërtetës”. – shkruan Kokalari.
