Dekada më parë, ndoshta nuk kishim Netflix, internet, rrjete sociale apo platforma të teknologjisë së fundit, por kemi pasur një tjetër lloj pasurie; filmat shqiptarë dhe komeditë e famshme të vendosura në teatër.
Nuk ka rëndësi sa kohë kalon, batutat e huazuara prej tyre i përdorim shpesh sikur t’i kishim dëgjuar sot për herë të parë. Humori i hollë, i përcjellë me shumë mjeshtëri nga kasti i aktorëve të famshëm, na bën që herë pas here, kur lodhemi nga serialet e preferuara t’i kthehemi YouTube-it për të përjetuar dhe njëherë emocionet e atyre fimave.
1. “Pallati 176”
Pallati më i famshëm në Shqipëri ka qenë dhe do të mbetet ky. Breza të tërë janë dashuruar me Elsën, Fredin, Shokun Perikli dhe Jovan Bregun, personazhi i të cilin është kthyer në krahasimin perfekt për këdo që ndan të njëjtat tipare me të.
Këtë komedi, shqiptarët jo vetëm që e shohin me të njëjtin entuziazëm si duket, por fragmente të famshme tanimë janë kthyer në meme fantastike Instagram-i.
2. “8 persona plus”
“Ta rrahh kam fr ikë se më rreh” , “zemra do bëjë të sajën” e shumëëë batuta të tjera dëgjojmë që njerëzit i përdorin çdo ditë. Frymëzimi? Komedia “8 persona plus” me kastin e famshëm të aktorëve si Luiza Xhuvani, Roland Trebicka, Yllka Mujo, Luftar Paja, Pavlina Mani e shumë të tjerë ka zbukuruar ditët e shqiptarëve për vite me radhë. Përpos humorit, tematika dhe ironia e përdorur janë sot, më aktuale se kurdoherë.
3. “Beni ecën vetë” (1975)
Kush u lodh ndonjëherë me historinë e Benit të llastuar vetëm gjatë verës së kaluar në fshat, ia doli të kthehej në djalosh trim e të pavarur?
Askush! Me siguri, të dielave në mëngjes do t’i ktheheshim me dëshirë!
4. “Zonja nga qyteti/Zonja nga fshati”(1976)
Aq i famshëm është ky film, sa brezat e rinj mendojnë e njohin Violeta Manushin si “Teto Ollga”. “Përpjekjet” e vazhdueshme të teto Ollgës për një “burrë të mirë” për vajzën e saj, Meli u bënë kaq të dashura për shqiptarët sa mjafton të përmendësh titullin për të nisur me batutat pafund.
5. “Shi në plazh”
Çfarë ke bërë nëse nuk ke parë të paktën një herë në jetë komedinë “Shi në plazh”. Kur gjatë pushimeve 15-ditore, moti nis kapriçot dhe shiu s’pushon, do njihesh me familjarët e kabinës ngjitur.
6. “Dy herë mat”
“Edhe akullore edhe çokollat” , “specialist i peshkut dhe midhjeve” apo “Cuk, ti do më vdesësh mua” janë batutat hit të kësaj komedie.
7.”Edhe kështu edhe ashtu”
Nëse s’ju kujtohet Alma, që ra në dashuri me këngëtarin në ngjitje, ndërkohë që babai donte ta martonte se s’bën me një diplomat, dëgjoni këtë këngë./Naishtedikur.info
