Kreu i Komisionit Parlamentar te Ligjeve, Ulsi Manja iu është përgjigjur deklaratave të Ilir Metës i cili ka bërë thirrje për gjak dhe prerje duarsh me 25 prill.
Sipas Manjës, presidenti duhet tja bëjë këtë thirrje bashkëshortes së tij e cila drejton partinë që vetë Meta krijoi dhe që njihet si një parti për shumë skandale.
Gjatë intervistës për “Frontline” Manja thekson se pas 26 prillit do të jenë duar të tjera që do të priten, dhe shton se Partia Socialiste i kërkon votat jo me skena të pista, por me vullnetin e 800 mijë qytetarëve me përgjegjësi të zgjedhjeve.
Kreu i Komisionit të Ligjeve deklaroi më tej duke thënë se Presidenti nuk do të ketë as sëpata dhe as kohë të mjaftueshme për të prerë aq shumë duar nga krahu i Opozitës.
“Nuk është fjalor i denjë për një president republike, praktikisht presidenti ka dalë hapur që është palë politike me opozitën, madje pretendon që do të jetë lideri i opozitës.
Kush prek votën, t’i presë dorën por bën mirë që këtë thirrje t’ja përsërisë shpesh asaj që ka lënë në krye të LSI-së, por edhe partive të tjera opozitare se jemi përditë në terren sepse të gjithë ata kane sy e veshe.
Dhe kam përshtypjen se nuk do ta thotë dot në 26 prill këtë, sepse do jenë ca të tjerë për të prerë dorën, se PS nuk kërkon vota me skema të pista, por kërkon vullnetin e 750 mijë-800 mijë shqiptarëve.
PS ka dhe përgjegjësinë e organizimit të zgjedhjeve të lira dhe demokratike sepse do kemi ne prill negociatat e BE.
Të jesh e bindur dhe për pak ditë nuk do ta thotë më presidenti atë punën e dorës se kanë për t’i dalë kaq shumë duar andej nga opozita sa s’do të ketë kohe dhe s’do te kete më sopata”, tha Manja.
