Dy orë debat i nxehtë midis kandidatëve për raundin e dytë të zgjedhjeve presidenciale në Kroaci nuk kanë ndryshuar imazhin e barazisë thelbësore, sipas sondazheve të fundit.
Pas debatit, Presidentja në largim, konservatorja Kolinda Grabar-Kitarović është vlerësuar me 38.9% të krediteve ndërsa ish-kryeministri socialdemokrat Zoran Milanović, fitues në raundin e parë me 29% të votave u vlerësua me 40% të krediteve.
Kitarović akuzoi kandidatin rival se nuk po punon për integrimin e Zagrebit me vendet fqinje.
“Ju keni arritur të na drejtoni kundër të gjithë fqinjëve tanë”, tha ajo. “Ne kemi tela me gjemba në kufirin me Slloveninë dhe Hungarinë. Ndërsa unë po ndërtoja ura, ai bëri gjithçka për t’i rrëzuar ato. Bashkëpunimi me vendet e Europës Juglindore, Serbinë, BosnjeHercegovinën dhe të tjerët është më se i mirëpritur.”
“Ishte ajo që prishi marrëdhëniet me Sarajevën”, u përgjigj Milanović. “Marrëdhëniet me Slloveninë nuk janë të mira. Kështu që unë e shoh të domosdoshme që të ngrihet niveli i këtyre marrëdhënieve, ky do të jetë një gur themeli i politikës sime të jashtme. Marrëdhëniet me Vuçiçin janë fantastike? Jo, nuk janë! Po cilat marrëdhënie janë të mira? Ato me Victor Orbán? “.
“Gruaja e popullit”, siç e përcakton vetë ajo, do të duhet të bindë sovranin që të votojnë për të, këtë të dielë, në mënyrë që të rikonfirmohet për të udhëhequr vendin. Rivali i saj në raundin e parë kishte fituar një të tretën e votave, falë mbështetjes së votuesve të qytetit, por edhe falë ndarjes së të djathtës.
Kroatët janë thirrur të votojnë sërish vetëm pesë ditë pas fillimit të presidencës së rradhës të Kroacisë të Këshillit Evropian, i cili vjen në një kohë delikate si për Zagrebin ashtu edhe për Brukselin.
