Lulzim Basha ishte i pranishëm ditën e sotme në qytetin e Gramshit dhe atë të Cërrikut. Gjatë takimit me strukturat dhe qytetarët Basha shprehu edhe njëherë se është i vendosur për të mos njohur procesin zgjedhor të 30 qershorit dhe siguroi qytetarët e pranishëm se nuk pranon kompromise me mazhorancën në kurriz të qytetarëve.
Por takimi i kryedemokratit nuk kaloi pa komente. Në rrjetet sociale Bashës i është përgjigjur kreu i ri i bashkisë Gramsh Klodian Taçe, që pritet të marrë detyrën dhe të betohet para këshillit të ri në datën 2 gusht. Taçe ironizon takimin e Bashës me disa foto të mbledhjes duke e krahasuar pjesmarrjen e pakët me një mbledhje të fshatrave të Gramshit.
Postimi i Klodian Taçes:
Të dashur miq!
Mar shkas nga një mbledhje e sajuar ditën e sotme, nga ata që zgjodhën rrugën dhe jo përballjen në zgjedhje.
Pikërisht ata që u trembën ndaj verdiktit të popullit në 30 qershor dhe sot sajojnë dhe pretendojnë se kanë mbështetjen e 85% të popullit, kjo sigurisht vetëm në ëndrrat e Lulushit sepse realiteti i karrigeve dhe mbështetësve që i ndjekin ende deklaratat dhe fjalët boshe nëpër mbledhje, është katandisur sa një grumbull njerëzish nëpër mbledhjet që organizon një Kryeplak Fshati në Gramsh.
“Më vjen mirë që qytetarët e Gramshit dinë te vlerësojnë realitetin dhe njëkohësisht më frymëzon në detyrën e re si Kryetar i Bashkisë, për të punuar për të gjithë pa dallime partiake. Ju falenderoj edhe njëherë të gjithëve dhe veçanërisht ata demokrat të ndershëm që mbështetën procesin zgjedhor dhe morën pjesë në votime por edhe ata që nuk votuan sepse treguan qytetari dhe i ftoj të kontribuojnë edhe më tej për qytetin sepse punë e madhe, ndryshime pozitive dhe sfida të reja na presin për Gramshin.”:- shprehet kreu i ri i Bashkisë Gramshit i dal nga zgjedhjet e 30 qershorit.
Kujtojmë që ditën e sotme është konstituar këshilli i Bashkisë Cërrik, Berat, Librazhd dhe Belshit. Ndërkohë që opozita ka kundërshtuar me protesta, por pa perceptuar situata.
