Monika Kryemadhi, e ftuar në emision televiziv të TV Zenit foli sa i takon aksionit që do të ndërmarrë opozita dhe gjithashtu edhe për çështjen e dosjes së spiunit Meta.
Kryemadhi tha se plani i opozitës është i qartë dhe ka vetëm qëllim, rrëzimin e kryeministrit, Edi Rama me anë të protestave.
Ajo tha se ka shumë arsye për të protestuar thjesht duhet të mblidhen të gjitha dhe më pas të bashkuar do krijojnë një oqean protestash.
“Unë, e para, duhet të mendoj si të protestoj. Janë 189 milionë dollarë pastrim parash te inceneratori i Tiranës. Cili është aksioni opozitar? Ka protestën. Fillon edhe me një gjimnazist që i hiqet e drejta për të studiuar, edhe me një student që nuk i jepet bursa, protesta fillon edhe me një mësuese që hiqet nga puna për arsye politike. Ne duhet të bashkojmë të gjitha pikat e ujit për të krijuar oqeanin e opozitës”, tha ajo.
Deputetja e LSI e konvertuar në P.Lirisë tha se dosja që Autoriteti ka nxjerr për burrin e saj Metën është falsifikuar, madje akuzoi edhe ndërkombëtaret si të përfshirë në këtë çështje duke thënë se edhe ata janë të ‘helmuar’ me këto falsifikime.
“Protestat kanë një agjendë që fillon dhe mbaron me rrëzimin e qeverisë. Protestat kanë agjendat e tyre, takime me ndërkombëtarët që janë helmuar me falsifikime.
Dosja e ‘Autoritetit të Dosjeve’ për Metën është falsifikim siç falsifikonte Bashkim Sorra tek Rruga e Kavajës”, tha Kryemadhi te Çim Peku.
