Monika Kryemadhi, ka reaguar pas mesazhin që kryeministri Edi Rama i kishte dërguar Presidentit Ilir Meta, të cilin ky i fundit e bëri publik vetëm pak ditë më parë. Në mesazh, Rama i shkruante Metës se pas zgjedhjeve të 30 qershorit Lulzim Basha nuk do të ishte më në krye të PD dhe kur Meta të mbaronte mandatin e Presidentit nuk do të gjente më gjurmë LSI-je.
Lidhur me këtë, Kryemadhi tha se nuk kishte ditur një mesazh të tillë dhe për këtë i kishte mbetur hatri nga Meta, që nuk ia kishte treguar.
Më tej, ajo tregoi se i ka thënë Metës që kur të mbarojë mandatin e Presidentit të hyjnë të dy në garë për të parë se cili do të fitojë.
“Mua nuk ma kishte treguar Meta mesazhin, i thashë se më ngeli hatri që s’ma ka treguar. Unë i thashë që kur të mbarosh mandatin e Presidentit të hyjmë të dy në garë dhe të shohim kush do të fitojë.
E çuditshme është si Rama kishte parashikuar si Basha nuk do ishte më kryetar i PD dhe si do zhdukej LSI, kur çuditërisht LSI u shtua. Fallxhore unë, fallxhor Rama, por mua më dalin fjalët, kurse atij jo. Unë nuk them që 85% janë LSI e PD, se nuk ka shanse”, tha Kryemadhi.
80%
Monika ka harruar se parashikimi i Ramës është realizuar pas reformës dhe PD dhe LSI kanë dal në rrugë ndërsa ato endrrat me 80% janë endrra të këqia sepse kur bënë koalicionin e para 21 Janarit Luli dhe Moni kanë marrë vetëm 25% të votave dhe e dërguan vendin ne katastrofë ekonomike dhe morale
