Ana Brnabiç, 43-vjeçarja e cila qëndron në krye të ekzekutivit serb është përfolur shumë për orientimin e saj seksual. Sipas mediave serbe ajo po përjeton një lidhje dashurie me mjeken Milica Djuriç, disa vite më e re në moshë.
Prej disa muajsh ajo nuk është parë në publik përkrah partneres Ana Brnabiç, dhe sipas gazetës beogradase “Gloria”, arsye për këtë është bërë shtatzania e saj me anë të fekondimit artificial .
“Gloria” ka mësuar nga Qendra Klinike e Serbisë, më saktësisht nga Qendra për Radiologji dhe Rezonancë magnetike, aty ku është e punësuar Milica se ajo ka marrë lejen e zakonshme të shtatzënisë.
Kryeministria serbe Brnabiç, ka preferuar të vijojë qëndresën kundër prononcimit në media mbi jetën private, duke mos e komentuar lajmin.
