Opozita është grupuar sërish sot, në një mbledhje të përbashkët të grupeve parlamentare në qytetin e Elbasanit, një takim i cili vjen rishtaz pas atij të Shkodrës, duke vazhduar turin e “Parlamentit Shëtitës”, nga frika për tu rikthyer në debatin e foltores së vërtetë, asaj në Tiranë.
Veç akuzave të Bashës, llomotitjet e të cilit të ngjajnë më shumë si monologje të një debati shterpë, për të gjithë ata që presin sadopak prej tij, një detaj shumë i rëndësishëm është vënë re së fundmi nga këto mbledhje: Zhdukja e kryetares së LSI, Monika Kryemadhi!
Monika Kryemadhi, e cila pozicionohej gjithmonë në krahë të Lulzim Bashës, në daljet e fundit të opozitës së bashkuar, nuk ka qenë prezente në asnjërin prej tyre, madje prej gati një jave nuk ka qenë aktive as në rrjetet sociale apo edhe në ekranet e televizioneve, ku çdokush mund të pyes se: Ku ka humbur Monika?!
Kryemadhi ka qenë pjesë kryesore e frontit opozitar gjithë këto muaj dhe nuk ka pasur ditë që ajo të mos dilte në ndonjë deklaratë apo të mos shfaqej në televizion, me agresivitetin e saj që u “kallte datën” vetëm punonjësve të Presidencës sapo hiqte çizmen, madje sjellja e saj arriti të lërë në hije edhe Bashën.
Çuditërisht ka më shumë se një javë, që Monika ka “avulluar”, pas një dalje të saj në televizion që daton më 31 gusht, duke e zëvendësuar ndënjësen me kasnecin e saj personal, Tit Vasili. Edhe pse këtë javë janë diskutuar disa çështje të rëndësishme për opozitën, Monika nuk ka mbajtur asnjë qendrim.
I vetmi që e ka mbajtur me “gajret” shpresëhumburit e partisë LSI, ka qenë Petrit Vasili. Nga frika e humbjes së protagonizmit të opozitës, mos vallë Basha ka “zhdukur” Monën, apo ajo trembet të ikë në Shkodër dhe Elbasan?
