Aq shumë është pompuar nga mediat dhe njerëzit e Sali Berishës ardhja e Chris LaCivita në Shqipëri, sa dukej se sapo të shkelte ky në tokën shqiptare, Rama do dorëzohej dhe do largohej vetë nga pushteti, pa u bërë zgjedhjet.
“Po vjen sherifi në qytet”, bombardonin publikun përditë, duke paralajmëruar një tronditje politike në vend.
Dhe më në fund ai erdhi, mbajti një fjalim 35 sekondësh, dhe kaq.
Një ditë më pas, vetëm heshtje.
“Sherifi” vërtet erdhi, por nuk tha asgjë.
Ndaj dhe buja e vizitës së tij, u shua tek ai fjalimi 35 sekondësh.
Ai “foli” si demokrat, ndërsa tha se qeveria po përpiqet që të burgosë opozitën, por do të dështojë siç dështuan ata që të arrestonin Donald Trump në Shtetet e Bashkuara të Amerikës.
Fjala e tij ishte si e një papagalli të fryrë nga llafet e Berishës, të cilat i keqinterpretoi, por ama i tha amerikançe.
“Kush është gati të bëjë Shqipërinë të madhe sërish? Në 2024, në SHBA socialistët u përpoqën të burgosin Donald Trump. Dështuan.
Në 2025, këtu në Shqipëri, socialistët duan të burgosin të gjithë opozitën dhe do të dështojnë.
Pse? Sepse nuk kanë çfarë të thonë për dështimet e 12 viteve të fundit, 12 vite krim, drogë, dhe në 12 vite, mbi 1 milion shqiptarë janë larguar nga Shqipëria.
Janë 12 vjet dështim ekonomik. Përse të votosh për një parti që ka krijuar të tëra problemet.
Votoni për doktor Berishën. Jepni vendit tuaj një mundësi dhe shpresë. Faleminderit dhe iu bekoftë perëndia”, u shpreh LaCivita, me një fjalim që Xhozi dhe gjithë Xhozat që kishte mbledhur Berisha në atë miting kllounësh, i thanë pa asnjë dollarë, madje me pasion dhe urrejtje, pa e kuptuar se me kë e kishin me veten apo me Ramën që nuk i’u a liron rrugën e pushtetit. /Ekskluzive.al
