Ish-kreu i Shërbimit Informativ Shtetëror, Fatos Klosi ka komentuar situatën politike në vend dhe jovetëm. Gjatë një intervistë për gazetën “SOT”, zoti Klosi shprehet se ish-kryeministri Sali Berisha, madje dhe kreu i Partisë së Lirisë, Ilir Meta e kanë mbyllur ciklin nisur nga dështimi që korrën në zgjedhjet lokale të 14 majit.
Po ashtu, ish-kreu i SHISH shprehet se qytetarët nuk kanë më besim tek Berisha, ndërsa theksoi se ka ardhur koha që kryefoltoristi të largohet nga politika dhe t’i hapë rrugë bashkimit të demokratëve.
Ndërkohë ai zbardh edhe fatin tragjik që e pret Metën e Berishën dhe kush duhet ta marrë drejtimin e Partisë Demokratike. Nga ana tjetër, zoti Klosi theksoi se është fatkeqësi që në Shqipëri ka politikanë si Meta dhe Berisha, duke shtura se kreu i PL është simbol i politikanit tradhtar.
-Zoti Klosi, mendoni se me arrestimin e Vangjush Dakos po jepen sinjale se janë nisur hetimet për “non gratat” duke përmbushur ultimatumin e amerikanëve?
Historia e tij është e vjetër, është folur para shumë vitesh bëmat e tij, ndërkohë që ai ka edhe non gratën. Nuk besoj se është për non gratën, por Prokuroria ka hetuar dhe ka konstatuar se ai mbase duhet arrestuar. Por do e shohim në gjykatë se çfarë do të bëhet, kur vendimi mund të marr formën e prerë nëse dënohet atëherë mund të themi se ai ka gabuar.
-Si e shihni situatën brenda Partisë Demokratike? Kush duhet ta marrë sipas jush drejtimin e selisë blu?
Unë PD e kam çuar të sajuar për punë të mbrapshta, pavarësisht se ka qenë shumë vite në pushtet. Për Berishën kam shumë vrenjtje dhe ai mbetet elementi themelor sot nga ata që mund të bëhen nesër kryetar të Partisë Demokratike. Për mua e rëndësishme është që vendi të ketë opozitë dhe ata duhen që të zgjedhin njerëz të rinj. Dhe votimet e fundit e treguan se populli nuk i beson më Partisë Demokratike,
ky vend ka nevojë për opozitë dhe opozita më serioze do vinte nga PD. Ajo parti duhet të rinovohet dhe të sjell figura të reja. Edhe për sjelljen e demokracisë në vend them se s’ka asnjë meritë kjo parti sepse demokracia do të vinte si erdhi në gjithë lindjen po të kishte ndodhur vetëm në Shqipëri do ta besoja. Demokracia do një grup që qeverisë dhe një tjetër që i bënë oponencë, nëse grupi që qeverisë do të mbetej vetëm nuk do të ishte mirë.
-Pas zgjedhjeve të 14 majit ka një distancim të Ilir Metës nga Sali Berisha, mendoni se ish-presidenti po thur plane për të marrë frenat e opozitës?
Janë diskredituar aq keq sa Ilir Meta dhe as Sali Berisha nuk përbëjnë të ardhmen e këtij vendi, ata do vazhdojnë lojërat e tyre, por nuk pres nga Meta të jetë shefi i opozitës ka kaq vite në politik ka bërë aleanca me të dyja palët dhe është gjynah që ky vend do të ketë akoma këta. Ky popull dihet të tregohet më i mençur sesa të mbështes politikanët e vjetër, duhen figura të reja.
-Si e komentoni situatën në Veriun e Kosovës dhe si i shikoni qëndrimet e Ramës që ka dalë pro Vuçiçit dhe bën Kurtin fajtor?
Edi Rama bëri një tentativë, ai thotë se e bëri me anë të ekspertëve amerikan një version të një drafti se si mund të sajohej asosacioni i komunave dhe ja dërgoi dy shefave të mëdhenj të Europës që kanë qenë më aktivët dhe treguan se janë të interesuar për zgjedhjen e problemit të Kosovës se një draft që të kthehet në dokument real duhet që të miratohet nga Kosova.
Rama nuk pretendon të marr të drejtat e shtetit të Kosovës, për mua janë jo dashamirësit e tij që thonë jo ci duhet atij me këtë problem. Gjërat duket se nuk po shkojnë mirë, nëse po ndodh ndonjë gjë në këtë situatë me këmbënguljen e kryeministrit kosovar që po i kërkohet nga partnerët e Kosovës që të marr ca masa të largoj policinë për të shmangur incidentet në Kosovë, ndërkohë ai ka bërë një plan me 5 pika. Pra ai po bënë tjetër gjë nga ato që ata i kërkojnë dhe mesa duket ai se ka shumë të qartë se Kosova ekziston fal partnerëve. Intervistoi: Sidorela Braçja
