Artur Koçeku, që zyrtarisht ka zgjedhur të vetëquhet Luçiano Koçeku, është bërë protagonist në një sherr masiv të ndodhur në një lokal nate në Palasë, i quajtur “Sin”.
Ajo që duhet të ishte një natë argëtimi për grupin e të rinjve në fund të muajit gusht të këtij viti, u kthye në një pikëpyetje të madhe për jetën e Koçekut, i cili përfundoi në gjendje të rëndë në spital pasi pësoi dëme të mëdha në kokë.
Por rrugëtimi i Koçekut me dy emra, i njohur si në fushën e krimit ashtu edhe në atë të biznesit, ka pasur bashkëpunëtorë të ngushtë të tjerë personazhe, që jo pak herë janë lakuar për vepra të rënda kriminale.
Bëhet fjalë për vëllezërit Shtufi, Ilir dhe Kujtim, kunetërit e një tjetër biznesmenit të njohur i quajtur Mark Luli me dosje në Itali për trafik dhe prostitucion. Dy vëllezërit Shtufi do të ndërtojë kullën “Mali i Tiranës”.
I lindur në Bulqizë, Artur Koçeku ka zgjeruar aktivitetet e tij që daton nga viti 2014.
Më datë 13.09.2014 është themeluar shoqëria “LTD Co” shpk që ka si ortakë: Ilir Shtufin në masën 10%, Luçjano Koçeku në masën 40% dhe Kujtim Shtufi në masën 50%.
Më datë 13.08.2019 është themeluar shoqëria “KORÇA PHOTOVOLTAIC PARK” sh.p.k. Ortak i vetëm themelues i shoqërisë ka qenë Ilir Shtufi, por përmes kontratës së shitjes të kuotave me nr. 2391 rep., nr. 911 kol., datë 22.05.2021, ky i fundit vendosi të transferojë 40 për qind të kuotave të kapitalit tek Luçiano Koçeku.
I vetëm, Koçeku zotëron tre shoqëri të tjera: S G D Energjime subjekt prodhim, tregtim dhe furnizim të energjisë elektrike me administrator Myfit Duriçin; BALLENJA-KOMPANI me të njëjtin subjekt, por me një ndryshim jo dhe aq të vogël.
Ballenja Kompani ka marrë dhe një koncension për ndërtimin e Hidrocentralit “Ballenjë” duke shfrytëzuar ujërat e pellgut ujëmbledhës së Ballenjës në Bulqizë me fuqi 1.000 kw dhe energjia mesatare vjetore 4.197.824 kwh/vit.
G.A.V Invest është një tjetër kompani në emrin e Koçekut, që operon në fushën e ndërtimit dhe ka për administrator Ledio Tushën.
Tur Koçeku e ka ndarë jetën mes Tiranës ku ka biznese të tjera dhe në Dubai ku ishte vendosur prej kohësh.
Pas plagosjes së biznesmenit kontrovers Artur Koçeku allias Luçiano Koçeku, janë shpallur në kërkim dy personat e identifikuar si Xhoni Spaho nga Tirana dhe Genti Baleci nga Durrësi.
Pjesëmarrës në sherr ka qenë dhe Fatmir Bejo, një person i shpallur në kërkim më herët për një plagosje me thikë në Komunën e Parisit, ngjarje ku mbeti i lënduar Mirel Ishka tek lokal “De Capo”.
