Që në nisje të pretencës së parashikuar për tu mbajtur mëngjesin e sotëm për çështjen ‘Shullazi’ te Gjykata e Krimeve të Rënda, veç mungesës së të pandehurve, ra në sy prezenca e katër prokurorëve të rinj që morën përsipër të përfaqësonin akuzën.
Veç Donika Prelës dhe Gentjan Osmani, sot u identifikuan edhe dy prokurorët e tjerë, pjesë e këtij grupi.
Bëhet fjalë për Anton Martinin dhe Besnik Muçi.
Këto dy emra nuk janë aspak të panjohur për të shkuarën e tyre në sistemin e drejtësisë.
Anton Martini
Ka qenë drejtues i prokurorisë së Shkodrës prej 6 muajsh, por u transferua me urdhër të kryeprokurores Arta Marku, pranë Prokurorisë së Krimeve të Rënda në Tiranë.
Ai njihet edhe si krahu i djathtë i Markut, në shumë prej çështjeve te rëndësishme.
Ai ka qenë për disa vite prokuror tek Krimet e Renda dhe njeh një pjesë të mirë të dosjeve dhe prej kohesh përflitej largimi i tij për shkak edhe të miqësisë dhe bashkëpunimit të ngushtë me Markun, sa kohë ajo ishte në Shkodër si prokurore.
Besnik Muçi
Ai është aktualisht është pjesë e prokurorisë së Krimeve të Rënda. Njihet si prokurori që ka hetuar dosje si mbikalimin e “Zogut të zi”.
Po ashtu, ai ishte kandidati i katërt për postin e Prokurorit të Përgjithshëm të përkohshëm një vit më parë bashkë me Arta Markun.
Ai njihet edhe për përplasjet me Theodhori Sollakun kur ishte kryeprokuror, prej të cilit dha edhe dorëheqjen. Muçi u rikthye sërish si prokuror pas një vendimi të marrë nga Ina Rama, e cila e caktoi tek Prokuroria e Krimeve të Rënda.
