Zbardhet revoltua e Kuvendit për Prokurorinë e Përgjithshme. Sot në seancë plenare do të bëhet miratimi i saj, ndërsa mësohet se janë 13 detyra që i janë lënë organit të akuzës për vitin aktual.
Më primaren përmendim mirëorganizimin mes SPAK, policisë dhe gjykatave për të realizuar hetime sipas direktivave europiane, në nivele ndërkombëtare. Kjo kërkesë ka si qëllim thellimin dhe përshpejtimin e hetimeve ndaj korrupsionit dhe krimit të organizuar.
“Të ndërmerren hapa konkrete, në bashkëpunim me Ministrinë e Drejtësisë, drejtuesin e Prokurorisë së Posaçme kundër Krimit të Organizuar dhe Korrupsionit, Policinë e Shtetit, gjykatat dhe institucionet e tjera shtetërore për të filluar krijimin e sistemit të unifikuar të mbledhjes, përpunimit dhe publikimit të statistikave të kriminalitetit, bazuar në standardet ndërkombëtare”, kërkon Kuvendi.
Një pikë tjetër shumë e rëndësishme në këtë projektrezolutë kërkon që Prokuroria dhe institucionet e tjera kontrolluese të rrisin monitorimin ndaj gjykatave dhe prokurorive në vend. Sipas Kuvendit, nëse në vitin 2020 janë konstatuar shkelje apo neglizhenca nga punonjësit e sistemit në drejtësi, për 2021 këto problematika duhet të eliminohen.
“Të forcohet bashkërendimi, koordinimi dhe roli monitorues i Prokurorisë së Përgjithshme për të siguruar mirëfunksionimin e sistemit të prokurorisë në përputhje me parashikimet ligjore, duke e vënë theksin tek rritja e bashkëpunimit me Inspektorin e Lartë të Drejtësisë (ILD) dhe KLP në drejtim të koordinimit të aktiviteteve, shkëmbimit të informacionit, identifikimit të shkeljeve disiplinore ose etike dhe adresimit të problemeve që hasen në prokuroritë e të gjithave niveleve”, thuhet në dokument. Gjithashtu, Kuvendi kërkon që të përgatitet në një kohë sa më shpejt një manual për hetimet dhe ndjekjen penale të grupveprave të trafikimit të qenieve njerëzore.
