Ditën e djeshme, pranë bulevardit në zonën e “Yzberishtit” u parandalua një ngjarje e cila mund të kthehej në një tragjedi.
Një efektiv i forcave “Shqiponja”, i cili ishte jashtë orarit të punës, nxorri pistoletën dhe tentoi të arrestonte një qytetar, i cili po përpiqej të vriste një çift bashkeshortësh duke i përplasur me makinë.
Personi i arrestuar ishte i acaruar, pasi më herët kishte debatuar dhe ishte konfrontuar fizikisht me burrin që donte të “eliminonte”, e kjo për shkak të një parakalimi të gabuar.
Ka qenë efektivi Shkëlzen Tafa, i cili pa u menduar dy herë nxorri pistoletën dhe kërkoi që agresoi të shtrihej përtokë.
Ndërhyrja e tij ka qenë decizive. Pak sekonda më vonë, policët e komisariati nr.6 bënë të mundur arrestimin.
