Kazan shpërthen me lajmin bombë se letërporosia nga Mali Zi ka fundosur Tahirin duke mos thënë asgjë se ku dhe me çfarë faktesh.
Malit të Zi, kanë konfirmuar se Tahiri ka udhëtuar me makinë nga pika e Muriqanit së bashku me familjen e tij në muajin gusht 2016, në drejtim të Malit të Zi, por nuk japin të dhëna nëse Tahiri dhe persona të tjerë kanë udhëtuar më pas me skaf nga Mali i Zi në drejtim të Italisë.
“Është një letërporosi pa përgjigje dhe në gjykimin tonë nuk ka dhënë të dhënat që ne kemi kërkuar”- ka thënë një burim pranë grupit hetimor të dosjes “Tahiri”.
Faktin që Tahiri ka qenë në Malin e Zi, e pranon dhe vetë ish-ministri, i cili ka deklaruar në sallën e gjyqit se ka qenë aty për pushime dhe më pas ka udhëtuar në drejtim të Italisë.
Natyrisht nuk e dim se kush i’a ndalonte Samirit të drejtën e pushimit dhe të udhëtimit me familjen, kudo që ka dashur ai dhe çdo qytetar shqiptarë. Mirëpo prokuroria pretendon se Tahiri dhe Oresti Sota bashkë me familjet përkatëse u takuan në Malin e Zi në gusht 2017 dhe me një skaf të drejtuar prapë nga Saimir Tahiri u nisën për një pushim tre javor në Itali. Me ta ishte Gentian Ceka, shofer i Tahirit, dhe Alban Aliaj, Evi Robo dhe Loran Sevi.
Saimir Tahiri sipas prokurorisë, në datën 7 korrik 2016, ka dalë nga Shqipëria nëpërmjet Muriqanit me makinën e Ardit Sotës, vëllai i Orest Sotës, ndërsa me 2 gusht 2016 Saimiri dhe Oresti u nisën bashkë me Gentian Cekën për në Bari.
Por prokuroria e “klanit gështenja” a mund të thotë se si mundet të ikish me skaf me dy familje si klandestin drejt Italisë dhe takimi dhe shoqërimi i tij me badigardin dhe shoferin e tij dhe me biznesmenin Sota çfarë vepre penale klasifikohet?!
Prokuroria e akuzon se ka udhëtuar në korrik ndërsa zyrtarët e Malit të Zi i kthejnë përgjigjie në Gusht 2016 ka qenë pushues familjarisht. Përfundimisht përgjigjia e autoriteteve malazeze as nuk e rëndon dhe as nuk e lehtëson Saimir Tahirin dhe është një përgjigjie “nul”. /Eksakluzive.al
