ka ndarë pikëpamjet e tij në ‘5 Pyetjet nga Babaramo’, mbi situatën politike në Kosovë dhe rolin e Albin Kurtit si kryeministër. Ai e konsideron Kurtin një figurë politike të aftë, me epërsi në elokuencë dhe artikulim krahasuar me liderët e mëparshëm, por shpreh shqetësime për raportet e tij me Perëndimin dhe ndikimin e këtyre marrëdhënieve në të ardhmen e Kosovës.
‘Kurti si çdo lider i Ballkanit, kur hipën në pushtet duhet nja 30 vite ta rrëzosh. Kam një qasje ndryshe. Mendoj se lideri më i mirë i Kosovë, ka qenë Ibrahim Rugova. Hodhi themelet e shtetit kur Kosova nuk ekzistonte. Pse e lidha me Rugovën? Ka trushplarë që edhe flamuri i Vlorës në 28 nëntor e ngriti Albin Kurti.
Për ata që mendojnë se Kurti është patriot, patriotizmi tregohet në luftë për pavarësi jo me sovrarnizëm ndaj aleatëve. Këto tendenca ndaj SHBA, Britani nuk janë patriotizëm. Nuk kanë lidhje me patriotizmin. Figura politike e Kurtit ka epërsi mbi figurat e vjetra politike edhe për elokuecnën, staturën, artikulimit. Por Albin Kurti i fiton zgjedhjet, por jo me 50%. Nuk është më uelkom nga perëndimi. Kosova nuk ka luksin të zgjedhë një kryeministër që nuk pëlqehet nga perëndimi.’
Spahiu thekson se Kosova nuk mund të përballojë një lider që izolon vendin nga aleatët perëndimorë, veçanërisht kur sfidat kryesore përfshijnë njohjet ndërkombëtare dhe hapjen diplomatike. Ai kritikon mungesën e njohjeve të reja për Kosovën gjatë mandatit të Kurtit dhe izolimin e qeverisë së tij nga BE dhe SHBA, duke e quajtur këtë një situatë të paprecedentë.
‘Deklarova që Kurti i fiton zgjedhjet. por nuk është i mirëpritur nga perëndimi dhe Kosova nuk e ka luksin të ketë një kryeministër që e izolon Kosovën. Kosova ka sfidë hapjen, njohjen. Në 4 vite nuk ka asnjë njohje të Kosovës. BE e ka izoluar qeverinë. I vetmi shtet që është izoluar në sanksione. Nuk shkel asnjë ministër në vizitë zyrtare në Uashington. Serbia është afruar më shumë se në 25 vite me perëndimin. Kjo prej tekave të Kurtit.
E ka lodhur perëndimin duke dalë nga axhenda. Duke shtyre marrëveshjen franko gjermane të bekuar nga Biden, mund të ndodh që administrata Trump të vijë me një projekt negativ. Do rikthehet në marrëveshjen e Uashingtonit. Projekti për Zajdencinën asosacionin e komunave serbe jo pozitiv. Por mund të jetë e keqja më e vogël për Kosovën. Duke mos realizuar projekton e asosacionit, mund të jetë një projekt më negativ nga administrata e re. Parashikoj se Kurti fiton zgjedhjet por nuk e mban pushtetin, do i duhet një parti tjetër për koalicion. Kjo është e mira dhe e keqja. Nuk do garantoj stabilitet për të ardhmen e Kosovës.’
