Kombëtarja shqiptare e futbollit do jetë pjesë e Euro 2024 që zhvillohet nga 14 qershori – 14 korrik në Gjermani. Kuqezinjtë kërkojnë të lënë gjurmë këtë vit dhe pas paraqitjes së mirë në kualifikuese, duke e mbyllur grupin D në vendin e parë, djemtë që drejtohen nga Sylvinho kërkojnë të tregojnë cilësitë e tyre në sallonin e madh të futbollit evropian.
“Shqiponjat” do shkojnë në një fazë finale Europiani për herën e dytë në histori, kjo pas debutimit në “Francë 2016”. Tanimë “Goal.com” ka bërë një vëzhgim se cilët lojtarë do marrë Sylvinho me vete, teksa UEFA lejon 26 emra.
Etrit Berisha
-Portierët
Me eksperiencë Etrit Berisha do të jetë portieri i parë për Shqipërinë në Euro 2024. Për këtë pozicion pritet të konkurrojë edhe Thomas Strakosha i Brentfordit, me Alen Sherrin dhe Elhan Kastratin që do të jenë zgjedhje rezervë. Edhe këtu braziliani vështirë se do ia lejojë vetes katër emra, duke larguar njërin prej tyre.
Etrit Berisha – Empoli
Thomas Strakosha – Brentford
Elhan Kastrati – Cittadella
Alen Sherri – Egnatia
Elseid Hysaj
-Mbrojtësit
Ardian Ismajli, Mario Mitaj, Ivan Balliu, Berat Gjimshiti dhe Elseid Hysaj pritet të formojnë murin e preferuar të mbrojtjes në pjesën e pasme të skuadrës. Nëse nuk ka ndryshime të detyruara nga dëmtimet, këta katër lojtarë janë të garantuar të përfshihen në skuadër për Euro 2024.
Ivan Balliu – Rayo Vallecano
Mario Mitaj – Lokomotiv Moskë
Elseid Hysaj – Lazio
Frederic Veseli – Fatih Karagümrük
Berat Gjimshiti – Atalanta
Enea Mihaj – Famalicão
Jon Mersinaj – Lokomotiva Zagreb
Marash Kumbulla – Sassuolo (Roma)
Naser Aliji – Voluntari
Ardian Ismajli – Empoli
Kristjan Asllani
-Mesfushorë
Ylber Ramadani, Kristjan Asllani dhe Nedim Bajrami janë favoritët për të zënë vendet e mesfushës në kombëtaren e Shqipërisë kur të shkojnë në Euro. Pjesë e skuadrës finale pritet të jenë edhe Qazim Laci dhe Keidi Bare.
Keidi Bare – Espanyol
Nedim Bajrami – Sassuolo
Qazim Laçi – Sparta Prague
Ylber Ramadani – Leçe
Kristjan Asllani – Inter Milan
Sokol Cikalleshi
-Sulmuesit
Sokol Cikalleshi i Konyasporit është lojtari më me përvojë i disponueshëm për t’u përzgjedhur në sulmin e Shqipërisë dhe ai është një zgjedhje e garantuar në ekipin kombëtar. Jasir Asani dhe Seferi shihen në sulm.
Rey Manaj, Armando Broja, Myrto Uzuni dhe Mirlind Daku do të garojnë për një vend në formacionin titullar dhe pritet të jenë gjithashtu pjesë e skuadrës, me Brojën që do luftojë për fanellën e parë.
Rey Manaj – Sivasspor
Jasir Asani – Guangju FC
Taulant Seferi – Baniyas
Sokol Cikalleshi – Konyaspor
Ernest Muçi – Beşiktaş
Arbnor Muçolli – IFK Göteborg
Armando Broja – Fulham (Chelsea)
Arbër Hoxha – Dinamo e Zagrebit
Myrto Uzuni – Granada
Mirlind Daku – Rubin Kazan
* Në listë janë 29 emra, teksa trajneri do duhet që maksimumi të marrë me vete në Gjermani 26 futbollistë, ndërsa kjo është një listë paraprake nga forma e lojtarëve dhe grumbullimet e fundit.
Në Grupin B të Euro 2024, tanët kanë rivalë emra si Italia, Spanja dhe Kroacia.
Ndeshjet e Euro 2024 të Shqipërisë në Grupin B:
15.06.2024 Itali vs Shqipëri, “ BVB Stadion Dortmund”, ora: 21:00
19.06.2024 – Kroaci vs Shqipëri, “Volksparkstadion Hamburg”, ora: 15:00
24.06.2024- Shqipëri vs Spanjë, “Düsseldorf Arena”, ora: 21:00
