Rrjedhja e dokumenteve sekrete të SHBA-së dhe shpërndarja në rrjete sociale po përhapet. Teksa Departamenti Amerikan i Drejtësisë dhe Pentagoni kanë nisur një hetim për burimin, dokumente të reja janë publikuar në ‘4chan’, një faqe interneti anonime dhe më pas në rrjete të tjera sociale.
Sipas medias NY Times, rrjedhja e dytë e dokumenteve tepër sekrete amerikane në mediat sociale zbulon jo vetëm aftësinë e fortë amerikane të depërtimit të aparatit ushtarak dhe të sigurisë ruse, por edhe se inteligjenca amerikane spiunon aleatët e saj, si udhëheqësit politikë dhe ushtarakë ukrainas dhe koreano-jugorë, këta të fundit në lidhje me vendimet e saj për ndihmën vdekjeprurëse për Kievin.
Dokumentet e zbuluara duket se shkojnë përtej materialeve të klasifikuara në lidhje me planet e luftës në Ukrainë. Sipas analistëve të sigurisë, besohet se ka dhe informacione të ndjeshme informacioni mbi Kinën, teatrin ushtarak Indo-Paqësor, Lindjen e Mesme dhe terrorizmin.
Një zyrtar i lartë i inteligjencës amerikane e quajti publikimin e dokumenteve sekrete ‘makth’ për SHBA, Britaninë, Australinë, Zelandën e Re dhe Kanadanë. Mick Mulroy, një ish-zyrtar i lartë i Pentagonit, beson se është “një shkelje e rëndësishme e sigurisë”.
Ndërkohë sipas mediave në Ukrainë, Moska po ndalon zyrtarët e lartë që të largohen nga vendi. Ata mund të ikin vetëm nëse marrin leje të posaçme.
Nga ana tjetër, Moska akuzon Kievin se po planifikon provokim në rajonin Sumy të Ukrainës. Sipas tyre, ushtria ukrainase po përgatit fushatë akuzash të rreme për përdorimin e municioneve me substanca toksike nga ushtria ruse.
Rrjedhja e dytë e dokumenteve tepër sekrete amerikane në mediat sociale zbulon jo vetëm aftësinë e fortë amerikane të depërtimit të aparatit ushtarak dhe të sigurisë ruse, por edhe se inteligjenca amerikane spiunon aleatët e saj, si udhëheqësit politikë dhe ushtarakë ukrainas dhe koreano-jugorë, këta të fundit në lidhje me vendimet e saj për ndihmën vdekjeprurëse për Kievin. Këtë e raporton New York Times .
