Një aksident automobilistik ka ndodhur gjatë natës së sotme në fshatin Verbas, bashkia Patos e qytetit të Fierit.
Automjeti me targa AA 483 HL ka dalë nga rruga si pasojë e shpejtësisë së lartë.
Si pasojë e aksidentit kanë mbetur dy të plagosur dhe një person tjetër ka ndëruar jetë, ka gjetur vdekjen e menjeherëshme A.Sh rreth 50 vjeç.
Policia ka shkuar në vendin e ngjarjes dhe po vijon hetimet për zbardhjen e plotë të ngjarjes.
Njoftimi i policisë:
Fier
Informacion paraprak
Më datë 15.05.2018, rreth orës 02:30, në rrugën Fier-Roskovec, në vendin e quajtur “Kthesa e Verbasit”, shtetasi E.Ç, 26 vjeç, banues në Patos, duke drejtuar mjetin tip “Benz” në gjendje të dehur, ka dalë nga rruga dhe ka rënë në kanal.
Si pasojë ka gjetur vdekjen pasagjeri, shtetasi A.Sh, 52 vjeç, banues në Patos.
Gjithashtu kanë marë dëmtime dhe ndodhen në Spitalin Rajonal Fier nën kujdesin e mjekëve drejtuesi i mjetit dhe pasagjeri tjetër, shtetasi M.Sh, 25 vjeç, banues në Patos.
Nga testi i alkoolit, drejtuesi i mjetit rezultoi në gjendje të dehur në masën 1.08 mg/l.
Grupi hetimor po punon për sqarimin e plotë të rrethanave të kësaj ngjarje.
