Malajzia është në një kërkim të ethshëm për një pajisje radioaktive, e cila u zhduk nga një kamion në fillim të këtij muaji. Autoritetet thonë se lënda radioaktive brenda pajisjes radiografike mund të përhapë ndotje të rrezikshme nëse shpërbëhet jo në mënyrën e duhur.
Ekziston frika se ajo mund të përdoret si pjesë e një armë – një të ashtuquajture bombë e pistë – nëse bie në duart e gabuara.
Autoritetet kanë konfirmuar se pajisja ka humbur, por kanë insistuar se çdo gjë e kanë nën kontroll.
Objekti që është zhdukur përdoret në radiografinë industriale dhe i përket një firme që bën teste, kalibrime dhe inspektime për kompanitë e gazit dhe naftës dhe të tjera kompani të industrisë së rëndë.
Tubi i madh metalik 23 kg me një dorezë mbajtëse thuhet se ka qenë përdorur për të gjetur plasaritjet në metal. Ai përmban izotopin radioaktiv iridum 0 192 që mund të shkaktojë ekspozim rrezatimit ose të përdoret si armë nëse kombinohet me një pajisje shpërthyese.
Nëse iridiumi i zhdukur mund të përdoret vërtet për të ashtuquajturën bombë e pistë, varet sesa shumë do të futet brenda pajisjes.
