Prej mëngjesit të së mërkurës janë dëgjuar tonet e larta të ligjvënësve grekë, pasi kanë filluar në Parlamentin grek procedurat për ratifikimin e Marrëveshjes së Prespës. Pasi ka marrë miratimin e kryetarëve të komisioneve të Parlamentit, projektligji për ratifikimin e marrëveshjes diskutohet nga deputetët e të gjitha partive në një klimë të polarizuar politike.
Historiani Arben Llalla zbulon se, “Kuvendi i Greqisë ka votuar me 152 vota pro Marrëveshjes me Republikën e Maqedonisë së Veriut, por e mbajnë sekret deri nesër ora 23.30 min. Çështja është se nesër do luajnë pak teatër me njeri-tjetrin deputetët grekë me qëllim që BE tju fali sa më shumë borxhet në miliarda që kanë. Por nuk dihet se me çfarë çmimi Greqia do heqë Ligjin e Luftës me Shqipërinë edhe pse Shqipëria e pagojë shtrenjtë fjalën e dhënë nga Kotzias tek Bushati të cilët që të dy janë jashtë loje tani. UNË BESOJ QË ASNJËHERË GREQIA NUK DO HEQË LIGJIN E LUFTËS ME SHQIPËRINË.”
Bëhet fjalë për një moment historik, pasi për më shumë se 26 vjet Athina dhe Shkupi nuk kanë pasur thuajse aspak dialog për të zgjidhur çështjen e emrit të fqinjit verior të Greqisë dhe kjo ka sjellë si rezultat izolimin e IRJM dhe pengesa në rrugën e saj drejt NATO-s dhe BE-së.
Ndërsa një pjesë e mirë e opinionit publik nuk është aspak dakord me këtë marrëveshje, qeveria Tsipras, që ka filluar një fushatë informimi për të mirat e saj, beson se është një model paqeje në rajon, shembull edhe për vendet e tjera.
