<Nga Anri Bala
Megjithëse nuk jam ekspert i ligjit, por vetëm e respektoj atë, më lind gjithmonë dëshira të mësoj diçka duke dëgjuar… por edhe duke dëgjuar, përsëri rrezikoj të çoroditem apo “mahnitem”, nga çudirat ligjore të dala nga goja e të gjithë “patrikotëve” si: Tak Ngjela, Luli Basha, Sali Berisha, Ilir Meta, e plot të tjerë më pak të rëndësishëm, që megjithëse janë “pa bukë dhe pa punë”, sipas tyre, patrikotizmin e kanë zjarrë e flakë.
Gjithkush duhet ta kuptoj, se falja e trojeve është krim. Ndërsa marrëveshjet ligjore reciproke… detyrim. Gjithkush duhet ta dijë, se Berisha me Bashën nuk nënshkruan marrëveshje, por shkelën Kushtetutën, duke i falur 15 km2 hapësirë detare Greqisë dhe duke ngushtuar në mënyrë të papërgjegjshme hapësirën neutrale prej 127 km2. Pra, u nënshkrua marrëveshja e faljes dhe jo e ndarjes.
Zgjerimi territorial i detit, nuk mund të shtrihet përtej vijës delimituese dhe nuk mund të zgjerohen nga shteti bregdetar nëse nuk ka një vijë delimituese. Shprehja “përveç rastit kur ka një marrëveshje midis tyre”, ka kuptimin që deti territorial mund të shtrihet përtej vijës delimituese, nëse shteti fqinj ta lejon një gjë të tillë me marrëveshje. Për ata që e dinë dhe për ata që bëjnë sikur nuk e dinë, pra “fqinj bujar” të fal det territorial nga deti i tij… me marrëveshje, sqaronte një admiral aktin e tradhëtisë që e bëri me ndërgjegjie grupi Berisha, Micotaqis, Basha, Bakojanis.
Ka një precedent në vitin ’70, kur Shqipëria bëri një dekret dhe u zgjerua në det me 15 milje, SHBA bëri një notë proteste që të tërheqë gjerësinë nga 15 në 12, siç e kërkon konventa e detit. Pra çështja e zgjerimit është çështje e Greqisë.
Mirëpo ka një problem të vogël dhe të madh… mirë këta që janë të palexuar dhe të ushqyer keq me dije, po këta dordolecët që mburren se kanë studiuar të Drejtën Ndërkombëtare, përse bëhen kaq qesharak, sa edhe lolo më i njohur, do i kishte zili për shfaqjen në panairin e kllounëve të mbrojtjes së detit.
Shqipëria nuk është bota, Shqipëria nuk është perandori ku shkëlqesia e tij Edi Rama nuk pyet për askënd dhe madje si Sulltan shkel e shpërfill çdo detyrim që kanë fqinjët legjitimisht mes njëri tjetrit, sepse ka hallin e “patrikotëve” të mërzitur… me grekët e poshtër.
“Patrikotët” duhet të gjejnë të tjera motive për të deklamuar “patrikotizmin” e tyre. “Patrikotizmi” nuk është patriotizëm dhe lojrat e të fortëve, nuk vlejnë në demokraci. Ato i mori me vete xhaxhi Enver, “kur ia vuri kufirin te thana Imperializmit”.
Duhet të jemi të sigurtë, se këte marrëveshje s’do e shpëtojnë dy burra lehës Like Meta dhe Luli Basha, që akoma nuk e kanë marrë vesh se kanë bërë një tradhëti kombëtare dhe si palaço duan të na bindin, se sa të përkushtuar dhe sa të keqgjykuar janë si… “patrikot”.
Njëri thotë, do mbrojë vendimin e Kushtetueses që u shkel nga tjetri, ndërsa tjetri si komik i përhershëm, kerkon që informimi publik të kaloi nëpërmjet tij, si hjeksi i kësaj vrasje.
I pari… qyqari dhe gaztori i presidencës, të habit kur thotë se do zbatoj vendimin e gjykatës Kushtetuese, sepse një marrëveshje e re, nuk ka asnjë lidhje me një tjetër marrëveshje. Gjykata Kushtetuese ka hedhur poshtë një akt hajdutërie, ku falej deti si mall pa zot dhe nuk ka ndryshuar ligjin për të drejtat dhe detyrimet ndërshtetërore dhe abrogimin e vendimeve të mara nga parlamenti. Çdo marrëveshje tjetër, nuk ka asnjë lidhje me të parën, aq më tepër se “shoku këmbora”, nuk ka asnjë tagër mbi vendimet e parlamentit. Pra, as nuk ka çfarë mbron dhe as nuk ka çfarë dekreton, thjesht si noter jep autorizimin për negocim, qeverisë dhe grupit negociator.
Kurse shitësi i panairit SHQUP, që ka shumë shitje dhe blerje të dyshimta në xhep, do të informohet kur marrëveshja të ketë përfunduar… jo se i’a ka dikush detyrim… por do ta lexoi në gazatë zyrtare.
Ndaj, trimëritë dhe “patrikotizmat” i përkasin Kim Jong Un-it, ndërsa “krimi” i pandodhur për së dyti i shitjes dhe faljes së trojeve i përkasin drejtësisë. Për krimin e parë, Berisha me Bashën nëse do kishte drejtësi duhet të ishin para togave të zeza, për veprën penale: “Marrëveshje për dorëzim të territorit” dhe meqë dejtësia vonon por nuk harron, ata kanë harruar dhe hakërrohen dhe trimërohen… që të harrojnë dhe ne shqiptarët/Ekskluzive.al
