Deputeti i LSI, Lefter Koka ka komentuar dakordësitë e arritura në Këshillin Politik.
Nga studio e “Real Story”, Koka u shpreh se rezultati i KP ishte qesharak.
Sipas tij, mes palëve ka një marrëveshje për ta lënë Shqipërinë ashtu siç është.
Koka ka thënë gjithashtu se, nga KQZ dhe financimet e jashtme, Shqipërisë nuk i ka ardhur e keqja.
“Është e drejtë e çdo shqiptari të përzgjedhë të preferuarin e tyre. Ajo që kërkohet sot janë listat e hapura.
Une se kuptoj sesi forcat e vogla e kanë kontestuar. U takuan për këtë komitet politik, rezultati është qësharak.
Të gëzohësh për një akord që të ta lëmë gjendjen sic është në vend.
Kur i ka ardh shqipërisë e keqja nga KQZ, financimet e jashtme, si mund të ulet dhe ngrihet ky prag.
Në esencë komiteti nuk bëri asgjë, aq më qesharake tani për të përzgjedhur numrin.
Këta drejtues politik duhet të dakordësohen dhe të vendosin, si e bënë në 2008 mund ta bëjnë edhe sot“, tha Koka.
