Nga: Mero Baze
I dëgjoj të gjithë ta që kritikojnë Bashën për spastrimet në Partinë Demokratike . Ka mospajtime që shkojnë deri në urrjejte ndaj tij dhe plot prej tyre kanë të drejt.
I dëgjoj ata që ankohen për prurjet e reja, që për hirë të së vërtetës janë nën nivelin mesatar të elektoratit të PD dhe këtu shumica kanë të drejt kur ngrejnë zërin.
Por për atë që nuk flasin brenda PD është se Lulzim Basha ka bërë një “reformë” të thellë dhe të padukshme në PD nga e cila kam frikë se kjo PD nuk do ta marr më veten.
Partia Demorkatike ishte një nga dy partitë ideologjike në Shqipëri. Edhe pse ka vend për plot rezerva si e përdori antikomunizmin, si I keqpërdori të persektuarit, si u tall me ish pronarët, dhe si mbijetoi më 1997, pa kthyer kokën tek plaga reale e saj, PD mbijetoi si një parti ideologjike. Mes militantëve të PD, ishte krijuar një kult për PD, për liderin, për vlerat e saj dhe për fuqinë e saj. Nuk ka qenë e lehtë të ishe kritikë brneda saj, dhe akoma më e vëshitirë të ishe kritikë i Berishës, pasi duhet ta harroje derën e partisë.
Por mbi të gjitha në bazën e militantëve të PD idetifikimi me PD ka qenë një lloj krenarie idologjike. Nuk ka qenë inferioritet.
Ajo që ka bërë Lulzim Basha me gjithë “reformën” e tij, është që ka vrarë PD ideologjike. Sot në mjediset e PD, dhe mes militantëve të saj , ti mund të tallesh me PD. Tallen dhe ata! Mund të tallesh me kryetarin e saj. Tallen dhe ata! Mund të tallesh me Gridën , Salianjin, dhe të kërkosh përjashtimin e tyre. E kërkojnë dhe ata.Nuk k angel njeri nga PD pa më uruar jopublikisht pse kam kërkuar largimin e tyre nga PD pas skandalit pervers në parlament. E kam dëgjuar këtë dhe nga njerëzit më të afërt të Bashës.
Pra brenda PD Lulzim Basha ka vrarë praktikisht militantin e PD dhe ideolgjinë e saj. Të gjithë tani janë të bindur se karriera brenda PD, nuk është një çështje përkushtimi, nuk është as çështje vlerash, nuk është çështje personaliteti, apo trashëgimie e së djathtës. Është thjeshtë në mënyrë banale, raporti me Lulzim Bashën, dhe rrethin e tij familjar nga gruaja. Deputetë mund të hysh në listë, nëse paguan, në PD mund të bësh karreirë po pagove apo je lidhje interesash e tij, e kështu me rradhë. Vdekja e PD ideologjike, është një reformë e fortë që Basha ja ka arritur. Nuk di se mbi çfarë motive të reja ai do ta ngrej PD, por nuk shoh asnjë vizion. Rraca e re që ai ka futur në PD, nuk ka lidhje as me PD, as me historinë e saj, as me ideogjinë e saj dhe mbi të gjitha nuk kanë as tipare njerëzish me integritet. Ata janë thjeshtë njerëzit që nuk I prishin Bashës dhe që ilustrojnë planin e tij të biznesit. Ai thjesht po shpreson vetëm tek një taktikë, ta mbaj postin e kryetarit derisa shumica të dërrmohet vet nga skadnalet dhe papërgjegshmëria e saj. Dmth ka bërë një parti për vete të tij, duke përdorur siglën e PD.
Kritkët e Bashës, Topalli, Patozi, Bregu etj, vlejnë sot vetëm si memorie e PD ideolgjike, por beteja e tyre me Bashën, është një betejë e humbur, pasi dhe nëse ai ua jep atë parti që ka bërë atyre nuk u duhet më. Akoma më keq, ata herë pas here tentojnë të evokojnë PD ideologjike si trashëgimi të Berishës, I cili praktikisht është sot më I dobët se kurrë dhe është vënë në shërbim Bashës, për të mos u kuptuar që është I dobët.
Berisha nuk I shërben më të ardhmes së PD për asgjë, as si ideologji , as si lider, por vetëm si viktimë, rol të cilën ai ka refuzuar ta marr qyshkurse ka refuzuar të ik në shtëpi dhe të qëndroj larg rrënojave ku e la PD me pushtetin e tij.
Në këto kushte të gjithë ata që Basha i zboi pa asnjë parim nga PD, në përpjekje për të bërë një parti të tij, pa gjak, pa ideal, dhe pa subsatancë, gabojnë kur tentojnë të përdorin Berishën kundër tij, pasi do të vazhdojnë të duken si fëmijë të mërzitur të tij dhe jo si lider që mund të ngjallin shpresë. Mbi të gjitha gabojnë kur mendojnë se ata mund të ngrihen duke ju drejtuar vetëm PD dhe të flasin sikur janë në oborr të saj. Shqipëria ecën më shpejt se emocionet e tyre për PD dhe çdokush prej tyre që këkron të jetë aktivë në poltikë dhe konkurent me Bashën, duhet tu flas shqiptarëve si një opozitë e re, dhe jo si një memorie e vjetër. Kur flasin publikisht ata nuk duhet të kenë parasysh vetëm ca demorkatë të ëmrzitur, por qyetarët pa shpresë të Shqipërisë që mund të mos jenë detyrimisht njerëz të zhgënjyer nga PD, por njerëz pa shpresë nga pushteti. Sa më shpejt ta kuptojnë se nuk ringrihen dot vetëm nga rrënojat e PD, aq më shpejt mund të kenë edhe plotë njerëz nga PD me vete. Për fat të tyre Lulzim Basha ua ka bërë një nder. Ua ka heq turpin “demokratëve” të mos “qajnë” më për PD, duke e poshëtruar PD.
