Qendra e pavarur kërkimore “EU Tax” në Shkollën Ekonomike të Parisit publikoi para dy ditësh raportin për pronarët e pasurive të paluajtshme të Dubai të Emirateve të Bashkuara Arabe me titullin “Kush zotëron pasuritë ‘offshore’? Prova nga Dubai”.
Qendra, e cila merret me kërkimet në fushën e taksimit dhe debatit për të konstatoi shtetas të huaj të pasurive të shumta në Dubai nga 227 vende të botës, mes tyre dhe Shqipërinë. “EU Tax” ka ruajtur anonimatin e subjekteve zotëruese të këtyre pronave.
Për vendin tonë, në faqen 42 sigurohen këto të dhëna për vendin tonë. 17 shtetas shqiptarë zotërojnë 19 prona, vlera të cilave kap përafërsisht shifrën e 7 milionë dollarëve. Vlerësohet se kjo pasuri në raport me Prodhimin e Brendshëm Bruto të Shqipërisë (GDP) zë 0.04%.
Shumica e investitorëve nga India dhe nga vende në luftë ose me regjime autokrate
Në total janë kontrolluar 800 mijë prona “offshore”, vlera totale marramendëse të cilave përllogaritet në 146 miliardë dollarë. Investimi galopant për pasuri të paluajtshme në “kryeqytetin” e luksit botëror është 2 herë më i madh se çmimi i pasurive të patundshme në kryeqytetin e Britanisë, Londrën, një nga kryeqendrat më të famshme botërore.
20% të e kësaj pasurie të çmendur është investuar nga shtetas indianë, 10% nga Mbretëria e Bashkuar. Pjesa tjetër ndahet mes sipërmarrësve nga Pakistani, vendet e Gjirit Persik, Iran, Kanada, Rusi dhe SHBA. Sipas raportit, investimet nga India në Dubai po zvogëlohen dhe po shtohen nga Rusia.
Një fakt akoma më interesat është se biznesmenë, politikanë, etj., që vijnë prej vendesh të përfshira në konflikte të armatosura apo që udhëhiqen nga regjime autokrate zotërojnë jo pak pasuri në Dubai, vlera e të cilave arrin në 5-10% të GDP të shteteve amë.
“EU Tax” zbuloi nga verifikimet e të dhënave të pasurive të shtetasve norvegjezë nuk përputhen me shifrat e taksave që paguhen në këtë vend duke treguar se një pjesë e madhe e parave investohen për pasuri të paluajtshme në Emiratet e Bashkuara Arabe dhe vendet e tjera të botës. Rreth 70% e pasurive në Dubai janë investuar nga taksapagues norvegjezë në vitin 2019. “EU Tax” arsyeton se ky evazion fiskal është kushtëzuar edhe nga mosshkëmbimi i informacioneve për pasuritë e paluajtshme të autoriteteve të taksave.
Mbarë bota “derdhet” në Dubai
Ndër 533 miliardë dollarë të përllogaritura si investime në Dubai, 287 miliardë janë hedhur nga shtetas nga Emiratet e Bashkuara Arabe, 146 miliardë nga 227 vende të botës, ndërsa një 99 miliardë nuk është gjendur ende origjina. Për sa i përket kategorizimit të pasurive në personale apo korporate, “EU Tax”, 239 miliardë dollarë vlerësohen si prona në emër të individëve të përveçëm, ndërsa 293 miliardë të tjerë janë në pronësi të korporatave, shoqërive, etj.
Ballkani, Turqia e para nga rajoni me 720 milionë dollarë në Dubai
Në rajonin e Ballkanit, Turqia renditet e para për investimet në prona të paluajtshme në Dubai. 974 shtetas turq zotërojnë 1589 pasuri me vlerë 720 milionë dollarë në Dubai. Më pas vjen Greqia vjen me 517 pronarë, 1007 pasuri që kushtojnë 327 milionë dollarë. Në vendin e tretë ndodhet Rumania me 317 investitorë në 459 pasuri të patundshme me vlerë 219 milionë dollarë.
Bullgaria renditet e katërta me 143 milionë dollarë investime në pasuri të paluajtshme në Dubai, Serbia me 74 milionë dollarë, Kroacia me 43 milionë, Bosnje-Hercegovina me 27 milionë, Sllovenia me 26, Maqedonia e Veriut me 14 milionë dollarë. Mali i Zi ka të njëjtën vlerë investimesh në pasuritë e paluajtshme në Dubai me Shqipërinë (7 milionë dollarë). Kosova mbyll listën e vendeve të Ballkanit me 1 milionë dollarë.
