Presidenti serb, Aleksandër Vuçiç i rikthehet deklaratave shqetësuese.
“Po afrohet një periudhë më e vështirë se ajo e viteve 1990. Beteja e Stalingradit po përgatitet sërish”, deklaroi ai gjatë prezantimit të librit “Vepra të mbledhura ta Milorad Ekmeçiçit”. Komentet e Vuçiçt i ka përcjellë Euronews Serbia.
Vuçiç, sipas kësaj medieje, është shprehur më tej se “mbetet për t’u parë ku do të shkojnë serbët, çfarë do të bëjnë me veten, a do të arrijnë ta ruajmë bregun e djathtë dhe të majtë të Danubit,” për veten tonë, për popullin tonë dhe jo për askënd tjetër.
Kjo duhet të jetë gjëja më e rëndësishme për ne dhe me këtë zotim e besim të shikojmë në të ardhmen”, ka thënë ai. Në Betejën e Stalingradit në Luftën e Dytë Botërore, që u zhvillua nga 23 gushti i vitit 1942 deri më 2 shkurt të vitit 1943, vdiqën afro 2 milionë persona dhe njihet si një nga betejat më të përgjakshme në histori.
Vuçiç theksoi se Ekmeçiq parashikoi të gjitha ngjarjet aktuale dhe konfliktin në Ukrainë dhe krizën ekonomike globale shumë vite para vdekjes së tij.
Sipas Vuçiçit, Ekmeçiç i parashikoi të gjitha ngjarjet aktuale, konfliktin në Ukrainë dhe krizën ekonomike globale shumë vite para vdekjes së tij. Ndaj edhe sipas tij, periudha më e vështirë ndoshta është përpara, ndërsa i mëshoi idesë se paralajmërimet e mëhershme nuk po merren shumë parasysh.
