Arenc Myrtezani, ish-Administrator i inceneratorit ITWTF (Fier) është shfaqur në gjendje jo të mirë në Komisionin për Inceneratorët. Teksa përshëndeti të pranishmit, ai tha se po i merrej fryma se kishte ardhur me nxitim aq i interesuar ishte .
Kryetarja e Komisionit Jorida Tabaku kërkoi që t’i sillnin një ujë.
Pjesë nga biseda:
Arenc Myrtezani: Përshëndetje, se po më merret fryma
Jorida Tabaku: Ju kërkojmë ndjesë sillni një shishe ujë
Arenc Myrtezani: Jo, ‘ska nevojë për ujë, por në kët moment më ka rënë një telefon për fat isha afër dhe erdha sepse nuk dija gjë, s’më ka lajmëruar njeri për këtë komisionin.
Ish-administratori i inceneratorëve Arenc Myrtezani ka kërkuar paratë kur i është thënë në Komisionin Hetimor të Inceneratorët se paguhej 9 milionë lekë të reja. Sapo dëgjoi këtë shifër, Myrtezani kërkoi si nga pala e demokratëve ashtu edhe nga socialistët që t’i jepnin paratë që i deklaronin. Përtej humorit dhe të qeshurave që u shkaktuan në Komision, kryetarja e Komisionit Jorida Tabaku tha se kjo gjë vërteton që pastrohen para edhe përmes pagave të punonjësve.
Pjesë nga biseda:
Arenc Myrtezani: Unë kam një post teknik, një suport teknik sepse si drejtor nuk jam mësuar
Jorida Tabaku: Ju jeni posti më i lartë, paguheni më shumë nga të gjithë, kështu që posti juaj teknik, nuk është edhe aq teknik
Arenc Myrtezani: Unë paguhem, paga ime është e ulët, por kjo është marrëveshja ime me pronarin…
Jorida Tabaku: Unë gjykoj që edhe në pozicionin e drejtorit mund tu ishit përgjigjur të gjitha pyetjeve që kishim ne
(Flet Antoneta Dhima)
Jorida Tabaku: Antoneta, unë nuk kam nevojë për interpretues. Ai që na vjen nesër është më poshtë se ju
Arenc Myrtezani: Si më poshtë
Jorida Tabaku: Me pagë dhe funksion
Arenc Myrtezani: Të lutem zonja Tabaku, paga ime në media ka qenë dhe 13 milionë lekë, nuk e di bëjeni publike sepse nuk kam probleme
Jorida Tabaku: 9 milionë lekë
Arenc Myrtezani: Atëherë më jepni lekët se m’i kanë vjedhur
Jorida Tabaku: Të t’i japë Klodian Zoto sepse kaq deklarojnë për ty
Arenc Myrtezani: Të dyja palët, më gjeni lekët, kjo është karta ime e bankës, urdhëro merre, shko tek banka dhe verifiko rrogat
Jorida Tabaku: Jo po u kryeka pastrim para me rrogat e punonjësve
Arenc Myrtezani: Mos më ngatërro mua
Jorida Tabaku: Jo, jo u ngatërrove vetë
Arenc Myrtezani: Seriozisht është rroga ime 9 milionë lekë aty.
Jorida Tabaku: Përveç kompanive fictive u pastrokan para dhe me rrogat e punonjësve.
