Në këto ditë të vështira për Shqipërinë, Kosova ka treguar se është më pranë nesh se kurrë më parë duke sjellë ushqime dhe donacione të shumta.
Por përveç kësaj, Kosova do të nisë dejt Shqipërisë një grup prej 50 psikologësh, 4 psikatër, 1 epidemiolog dhe 1 mjek, për të ndihmuar të gjithë ata që kanë humbur të afërmit apo i kanë përjetuar keq tërmetet e njëpasnjëshme.
Me anë të një njoftimi për mediat kosovare, Shoqata e Psikologëve të Kosovës thotë se aktiviteti do të jetë i koordinuar me Urdhrin e Psikologut në Shqipëri, ndërsa grupi i punës do të niset të djelën.
“Aktiviteti ynë ka vazhduar edhe gjatë datës 26 dhe 27 nëntor, me grupe të vogla, por që ky aktivitet do jetë më i madhi i këtij lloji me ç’rast do të bëjmë edhe identifikimin dhe regjistrimin e personave të trajtuar, në data bazë në mënyrë që të ndjekim ecurinë e tyre pas periudhës 4 javore kur është periudha në të cilën personat e traumatizuar mund të shfaqin flash back,, apo ripërjetim të skenave, çka është shumë e rrezikshme dhe si diçka duhet të ndiqet në mënyrë kontinuele me qëllimin e vetëm që ato të mos kalojnë në çrregullime mendore, apo në PTSD”, thuhet në njoftim, trasmeton koha.net.
Në përbërje të ekipit janë:
2 mjekë psikiatër
2 mjekë neuropsikiatër
2 mjekë epidemiologë,
50 psikologë nga Shoqata e Psikologëve të Kosovës në përbërje edhe nga SHBA (PhD), dhe
15 nga Shoqata e Psikologeve të Shqipërisë, që te gjithë profesionistë të shëndetit mendorë me përvojë.
