Seanca për ish-ministrin e Mbrojtjes, Fatmir Mediu lidhur me tragjedinë e Gërdecit, në Gjykatën e Posaçme për Korrupsionin dhe Krimin e Organizuar, u shty.
Gazetarja Anila Hoxha raporton se në seancën e sotme, foli vetëm ish-drejtori Juridik i Ministrisë së Mbrojtjes, Rezart Tërshana. Ai shpjegoi se përse nuk u caktua një çmim për demontimin.
“Ne nuk caktuam çmim për demontimin, sepse nuk e dinim ku do bëhej demontimi. Komisioni i çmimeve nuk e dinte këtë gjë, kjo gjë nuk u diskutua, për sa kohë nuk e dinim ku do transportoheshin nuk vendosnim dot çmim. Me aq sa mbaj mend unë, 30 deri në 35 milionë euro harxhoheshin nga buxheti i shtetit për demontimin”, tha Tërshana.
Në seancë, u paraqiten Sokol Ngjeci dhe Dritan Minxolli, por nuk folën. Ndërsa Mihal Delijorgji dhe Luan Hoxha nuk u paraqitën , pasi nuk u gjetën në adresën e policisë. Njoftimi për ta do të ripërsëritet.
Anila Hoxha zbardh dialogun mes Mediut dhe Tërshanës në seancë, ku nuk mungoi as ndërhyrja e Zamira Durdës, që humbi djalin në tragjedinë e 15 marsit 2008.
Mediu: Çfarë raportesh ke patur me mua?
Tershana: Marrëdhënie pune, asgjë tjetër
Surge in Measles Cases in UK Comes Amid Plummeting Vaccination Rate
Keep Watching
Atmospheric Rivers Boosting Reservoir Water Levels in California
00:00/01:31
Mediu: Çështje fitimi ka qenë demontimi?
Tërshana: Jo, ka qenë çështje sigurie
Mediu: E mbani mend urdhërin 2044?
Tërshana: Jo
Durda: Lërini urdhërat 2044, po flisni për pasojat e Gërdecit (me tone të larta)
Avokati Visha pyet Tërshanën: Cili nga ministrat ka qenë më korrekti sipas jush?
Tërshana: Mediu është njëshi
Durda: Njëshi është se ka vrarë njerëz
Gjyqtarja Irena Gjoka : Mbani qetësi
Seanca e radhës u caktua në 13 mars.
Mediu akuzohet për shpërdorim detyre nga SPAK në lidhje me tragjedinë e Gërdecit, ku nga shpërthimi i punishtes së demontimit të armëve mbetën 26 të vrarë dhe qindra të plagosur.
