Meta: Kam mbështetjen e 85% të shqiptarëve… Bëra gabim që s’e dëgjova Orbanin kur më paralajmëroi për Sorosin

Ilir Meta thotë se ka mbështetjen e 85% të shqiptarëve për aksionin e tij kundër qeverisë “Rama”. Në një dalje të rënduar psikologjike për media, Meta thotë se pjesa më e madhe e shqiptarëve e mbështesin atë. Ndërkohë, ai ka paralajmëruar që askush të mos e provokojë “kokëfortësinë” e tij. Ilir Meta tha se kryeministri hungarez Viktor Orban, e kishte paralajmëruar për rrezikun që paraqiste George Soros, por ai nuk e kishte besuar: “Kam dy fjalë për George Soros. S’e kam dëgjuar me vëmendje Orbanin, kur i flisja me gjithë dashuri për George Sorosin dhe më tha kini kujdes se nuk është aq demokrat sa c’duket dhe shpesh komploton. Atëhere na ndihmoi se ishim në opozitë. Unë i uroj Sorosit jetë të gjatë. Por unë s’jam Gruevski”, tha ai.