Presidenti i Republikës Ilir Meta tha nga Fieri se nuk mund të flasë ende për krimin në Elbasan pa pasur një panoramë të qartë, por theksoi se si Elbasani ashtu dhe Durrësi janë dy nga qarqet më problematike.
Ai deklaroi se Prokuroria në Elbasan është e njëanshme, teksa i bëri thirrje organeve ligjzbatuese të shkëpusin çdo kontakt partiak.“Nuk mund të them asgjë për çështjen e Elbasanit.
Nuk mund të flas pa pasur të qartë panoramën apo dinamikën e ngjarjeve. Dihet që Elbasani ka qenë dhe mbetet së bashku me Durrësin dy nga qarqet më problematike. Kandidatë të dosjes së Shijakut dhe të Dibrës janë përsëri kandidatë.
Ajo që është shqetësuese në Elbasan është se shumica e krimeve zgjedhore që janë denoncuar i takojnë këtij qarku. Prokuroria është tërësisht e njëanshme dhe po kështu kam kërkuar nga kreu i SHISH vëmendje të veçantë.
Dihet që policia në Elbasan bëhet palë midis grupimeve rivale por gjithmonë të lidhura me Taulantin. Ftoj organet ligjzbatuese të shkëpusin çdo kontakt apo preferencë partiake. Do mbajnë përgjegjësi.
Vendi mbi të gjitha nuk ka nevojë për asnjë lloj cenimi të standardeve zgjedhore. Dhe kaq sa kanë ndodhur janë cenuar mjaft.
Të nisen të gjithë drejt 25 prillit, votat e tyre do numërohen pikë për pikë. Çdo njeri në administratë që përfshihet në krim zgjedhor, përjetësisht nuk do ketë më vend në administratën publike.
Nuk ka gjë më të shenjtë se vota e lirë dhe e barabartë. Administrata është aty për t’i shërbyer qytetarëve”, deklaroi Presidenti Meta.
Nderkohe qe vetem dy dite me pare kreu i shtetit ka qene shume i informuar vetem pese minuta pas perplasjes me arme zjarri per nje vend parkimi ne Kavaje, ku mbeti i plagosur sekretari i PD.
Madje ishte aq ne “brendesi” sa sulmoi dhe qeverine e PS se po bente vrasje politike, pavaresiusht se disa ore me pas doli bllof gjithcka!
