Bashkëshorti i Osmanit, Prindon Sadriu tashmë prej ditësh është në qendër të vëmendjes pas përfshirjes në një skandal të shprenzimeve për udhëtime pasi Kuvendi i Kosovës ka publikuar të martën shpenzimet e udhëtimeve të deputetëve të Kuvendit të Kosovës për periudhën 2011-2021.
Pjesë e listës së shpenzimeve të udhëtimit ishte edhe presidentja, Vjosa Osmani sa ishte deputete në parlamentin e Kosovës. Sipas raportit, Osmani ishte kompensuar nga Kuvendi nga viti 2011 deri në 2015.
Ndërsa, që nga viti 2015 deri në vitin 2020 e para e vendit nuk kishte marrë asnjë të hollë nga ky institucion. Osmani i kishte marrë 380 euro në periudhën nëntor – dhjetor të vitit 2011. Kurse, për janar-dhjetor 2012, shpenzimet i kishte 1,780 euro, për periudhën janar-dhjetor 2013, shpenzimet ishin 1,240 euro. Për periudhën janar-dhjetor 2014, shpenzimet ishin 520 euro.
Menjehere pas kësaj Sadriu i cili ka hedhur akuza ndaj politikanëve të qeverive të kaluara për shpenzime enorme në shtete të jashtme
Po ashtu, ai ka hedhur akuza ndaj gazetarëve të cilat i quan ‘gazetarë të parapolitikës”.
“Kur përfaqësuesit e Ndërmarrjeve të Përbashkëta kriminale, ‘gazetarët’ e parapolitikës, e persona të përfshirë në reket e në keqpërdorime milionëshe, moralizojnë. Janë këta moralizues e shpifës të cilët paguanin një natë akomodim me Nju Jork $1.200 në Hotel Interconntinental Manhattan, e mëngjesin e paguanin $50 për person (drekat e darkat iu shkonin deri ne mijera dollarë). Bileta avioni First Class e rrallë herë Business Class. Për Economy as që flitej. Ju nuk keni lënë gjë publike pa keqpërdorë”, ka shkruar Sadriu në “Facebook”.
Ai ka thënë se me këto publikime po mundohet të “njolloset puna e Presidentes”.
“Dhjetëra miliona euro keqpërdorime të qytetarëve përmes të cilave keni blerë televizione, portale e paguani ‘qepues’ për t’u munduar ta njollosni punën e ndershme të Presidentes!”, përfundon ai.
Sadriu ne nje deklarate pak minuta me pare tha se ai asnjëherë nuk synon të cenojë gazetarinë profesioniste, dhe se statusi i tij i mbrëmshëm është devijuar qëllimshëm nga disa.
Sadriu në sqarimin e bërë ka thënë se kur njerëzit e zëmrës përballen me sulme të vazhdueshme, atëherë ai nuk mund të heshtë para padrejtësisë.
“Kur njerëzit e tu të zemrës përballen me sulme të vazhdueshme të bazuara në të pavërteta, janë qëllimkëqija dhe synojnë baltosjen e imazhit, ti zhveshësh nga çdo petk tjetër, sepse së pari dhe mbi të gjitha je një baba dhe një bashkëshort. E kur këta dy role të shenjta peshojnë e kanë vlerë për ty më shumë se çdo gjë, ti s’mund të heshtësh para padrejtësisë. Sepse, nëse nuk di t’i dalësh në krah familjes tënde, ti rrezikon të mos dish t’i dalësh në krah as vendit të punës e as shtetit”, thotë ai.
Sadriu ka shtuar tutje se “tendencat për të njollosur veprimtarinë e imazhin e Presidentes Osmani, bashkëshortes sime dhe nënës së dy vajzave tona, janë thellësisht vështirë të tolerueshme, sepse ato çdoherë kanë rezultuar me kërcënimin ndaj jetës dhe sigurisë së tyre, gjë që ka rezultuar edhe me vlerësimin më të lartë të rrezikshmërisë nga ana e institucioneve të sigurisë”.
Siç ka thënë Sadriu, familja e tij kanë pranuar dhjetëra kërcënime duke përfshirë këtu edhe kërcënime me vdekje.
“Dhjetëra kërcënime, përfshirë kërcënime me vdekje që bëhen ‘live’ nëpër emisione ndaj familjes sime, linçimet publike ndaj babait të Vjosës duke e shpallur atë polic serb që ka kryer krime ndaj shqiptarëve, paraqitja e familjes sime si njerëz që kanë vrarë shqiptarë, pastaj paraqitja jonë si kinse shpiunë e shërbëtorë të Rusisë e udhëheqës të klaneve mafioze, e deri tek propaganda e çdoditshme për kinse pasuri luksoze e artikuj për gjoja abuzim pushteti, janë jo vetëm të pavërteta por edhe kanë rezultuar me cenim të sigurisë edhe ndaj fëmijëve tanë që nga viti 2019″.
Tutje, ai ka pohuar se presidentja Osmani nuk ka shpenzuar asnjëherë kot dhe se nuk ka keq shfrytëzuar paranë publike.
“Çdo ditë jam dëshmitar i punës së bërë nga Vjosa me aq përkushtim, zell, e besnikëri ndaj të gjithë qytetarëve të këtij vendi. Transparenca, përgjegjësia e llogaridhënia janë virtyte të natyrshme të saja e sinonime të kulturës së saj të punës. Presidentja Osmani nuk ka shpenzuar kurrë kot e as ka keq shfrytëzuar paranë publike – çdo cent i fituar nga ajo mund të arsyetohet e faktohet. Kjo kulturë e punës e karakterizoi atë si deputete e si Kryetare e Kuvendit, dhe po e karakterizon sot si Presidente e vendit”, thotë mes tjerash ai.
Lidhur me kete ai ka zënë vend në mediat serbe në Beograd pas deklaratës së pamatur e kërcënuese për të cilën i ra pishman dhe e fshiu pastaj.
Agjencia serbe e lajmeve Beta ka bërë përmbledhje të reagimeve ndaj deklaratës së djeshme e të fshirë tanimë nga Prindon Sadriu që kishte vlerësuar mediat kosovare si përfaqësues të ‘ndërmarrjes së përbashkët kriminale’.Gazeta më e vjetër serbe Politika ka raportuar këtë ngjarje duke renditur reagimet e shumta të mediave kosovare si dhe vet Asociacionit të Gazetarëve të Kosovës.
Vetëm muajin e kaluar Prindon Sadri me mision diplomatik në Ambasadën e Kosovës në Maqedoninë e Veriut gjatë kohës sa ishte zëvendësshef i misionit në Shkup, por në detyrë edhe si Zotëri i Parë, u perfshi serish ne nje skandal ku ai kishte përfituar nga buxheti i shtetit për rimburësimin e pjesshëm të shpenzimeve për trajtimin e virusit COVID-19.
Sadriut, ndonëse sipas faturave të dorëzuara shihet se shpenzimet i kishte bërë në Prishtinë, Ministria e Punëve të Jashtme dhe Diasporës kundërligjshëm ia kishte aprovuar edhe kërkesën për mbulimin e pjesshëm të shpenzimeve për trajtimin e infektimit me Covid-19.Në muajin nëntor të vitit 2020, Vjosa Osmani, asokohe Ushtruese e Detyrës së Presidentit, kishte konfirmuar se ishte infektuar me Covid-19, pas kontaktit me disa familjarë të saj. Në mesin e këtyre familjarëve, si duket ishte edhe bashkëshorti i saj Prindon Sadriu.
Megjithatë, shpenzimet për trajtimin e virusit Covid-19, ky i fundit kishte kërkuar që pjesërisht t’ia rimburësonte shteti, përkundër që Ministria e Punëve të Jashtme dhe Diasporës nuk i mbulon shpenzimet mjekësore të diplomatëve kur ata trajtohen në Kosovë.Kërkesën për rimburësim të shpenzimeve në vlerë prej 396 euro e 80 cent, Prindon Sadriu e kishte bërë më 22 dhjetor 2020. Zotëriu i Parë në këtë kërkesë e kishte njoftuar asokohe Sekretarin e Përgjithshëm edhe për mungesën e një fature në vlerë prej 40 eurosh, të cilën i thoshte se nuk po mund ta gjente, porse ia kishte bashkuar kuponin fiskal.
