Lulzim Basha i futi një xhiro sot edhe në Krujë ku u çmall me militantë, që ca ishin pa punë, ca rrinin vetë pa punë dhe ca prisnin Lulin të marrë pushtet dhe t’i fusi në punë ndaj e gjetën kohën ta shoqërojnë.
Para se t’i përgjigjen ftesës për të marrë pjesë në protestën e 16 shkurtit, militantët krutanë i kërkuan Bashës garanci se nuk do të bëjë më marrëveshje me Edi Ramën. Kryeopozitari u zotua se nuk do të ketë 18 maj të dytë.
“Mos i jep më dorën Edi Ramës. Premtoi shqiptarëve dhe krutanëve”, tha një banor.
“Këtu në shesh të Krujës ua premtoj, ajo marrëveshje u bë një herë për të garantuar votën, ai e shkeli. Nuk do të ketë më”, premtoi Basha e gati sa nuk shpërthru në lot. Qytetarëve në fakt garancia e Lulit i’u duk si ata fëmijët e vegjël kur betohen pas gabimit: “Për kokë të nënës më mashtroi, se bëjë më!”
Militantët e Krujës dhe Fushë-Krujës Basha i njohu me planin shkatërrues ekonomik të Partisë Demokratike, për taksa të ulta dhe punësim qesharake dhe utopike. Por, më parë, tha luli, duhet të largohet Edi Rama dhe të bëhem unë kryeministër.
“Prej 5 vitesh e kemi thënë përpara Bashkisë së Krujës që është monument i kriminalizimit. Tani po e thotë Bota se Edi Rama dhe qeveria e tij janë produkt i krimit dhe jo votës së shqiptarëve. S’kam shumë fjalë për t’ju thënë në 16 shkurt, koha për fjalët ka mbaruar, merrni fatin më 16 shkurt në Tiranë”, deklaroi Basha./ Ekskluzive.al
