Mes paqartësive të kontratës së lobimit të lidhur me PD dhe ‘Continental Strategy’ në SHBA, një gjë është e qartë: 750.000 USD janë pagur në momentin e nënshkrimit të kontratës.
Ky fakt i pasqyruar në kontratën e lobimit mban datën 4 prill 2025. Nëse është firmosur në fillim të muajit prill në SHBA, atëherë natyrshëm pyetja e parë që lind është: në cilin shtet ndodhej Nuredin Seçi, garantuesi dhe një nga njerëzit që ka firmosur këtë kontratë?
Në cilin shtet ndodhej Flamur Noka në datë 4 prill? E sigurt është që ai nuk ka qenë në SHBA. Nëse është kontratë e nënshkruar me firmë elektronike, si është bërë pagesa e 750.000 USD? Pasi në çdo rast, është e pamundur që lobisti të ketë marrë pagesë CASH, 750.000 USD.
US Water System May Be Vulnerable to Cyberattack by China, Russia and Iran
Keep Watching
Recently Spotted Asteroid Set for Near Miss With Earth
Keep Watching
Atëherë, si është paguar? Me transfertë bankare? Me kambial? Me çek bankar?
Pse duhej garant një qytetar amerikan me origjinë shqiptare dhe profesion elektricist?
Për rastet kur kambiali nuk konvertohej në kohë, apo për raste kur llogaria e referuar nga PD dhe Flamur Noka do rezultonte bosh!?
I vetmi që ka qenë i qartë dhe i frikësuar deri në këto momente për përgjegjësitë ligjore është Ilirjan Celibashi.
Pas pyetjeve nga gazetarët, ai u justifikua duke thënë se ka ende disa muaj kohë që PD të dorëzojë pasqyrat financiare pranë KQZ.
Me gjasë, kohë e mjaftueshme për të “lëvizur gurët” dhe shmangur përgjegjësinë për shkeljet e mundshme të Kodit Zgjedhor për financimin e partive.
Por e pamjaftueshme nëse SPAK nis një hetim serioz për këtë lobim. I ngjashëm si dy pika uji me atë që Lulzim Basha bëri disa vite më parë për një foto me presidentin Donald Trump.
Pyetjet që kërkojnë përgjigje. Kontrata e lobimit të PD-së dhe paqartësitë që e rrethojnë
Publikimi i kontratës së lobimit nga Partia Demokratike ka ngritur më shumë pyetje sesa përgjigje. Dokumenti dhe konferenca për shtyp e kryetarit të PD Sali Berisha që pritej të sillte qartësi ka lënë pas një sërë paqartësish mbi përfituesit e shërbimeve, mënyrën e financimit dhe transparencën e deklarimeve ligjore. Për t’i dhënë përgjigje shqetësimeve publike, ka disa pikëpyetje që duhet të marrin përgjigje:
1. Sipas kontratës së publikuar, “përfitimin” e shërbimeve e merr vetëm Flamur Noka si person fizik? E merr PD si parti politike? Apo e merr koalicioni PD-ASHM si koalicion zgjedhor?
2. A do të depozitohet kjo kontratë në KQZ? Nëse po, do të depozitohet menjëherë pas zgjedhjeve, siç urdhëron Kodi Zgjedhor, apo në fillim të vitit 2026, siç parashikon ligji “Për partitë politike”?
3. A ka një kontratë tjetër midis Fondacionit MAGA dhe kompanisë “Continental” të ndryshme nga ajo që ka nënshkruar Flamur Noka, me anë të së cilës të jetë bërë pagesa (të paktën 750 mijë USD)?
4. Nëse po, a është depozituar diku? Dhe kur është lidhur? Sa është pagesa përkatëse? Pse nuk bëhet publike kjo kontratë?
5. Pretendohet se ka një kontratë tjetër midis PD-së dhe “La Civitas.” Pse nuk bëhet publike? Sa është pagesa, kur është lidhur dhe ku është depozituar? A është kontratë me shpërblim apo “pro bono”? A do të deklarohet në KQZ?
6. A ka ndonjë kontratë për shërbime të lidhur me ndonjë subjekt juridik apo fizik të lidhur me Paul Manafort?
7. A konsiderohet Fondacioni MAGA një “fondacion i huaj,” për sa kohë që nuk është regjistruar në regjistrin tregtar të Gjykatës së Tiranës?
8. A konsiderohet Fondacioni MAGA një “fondacion politik,” siç kërkon neni 21/2 i ligjit “Për partitë politike”?
9. Në cilën periudhë janë mbledhur fondet (të paktën 750 mijë USD të paguara tashmë) nga Fondacioni MAGA?
10. A është organizuar një fushatë mbledhjesh fondesh në SHBA (fundraising) sipas legjislacionit amerikan?
11. Kush është grupi organizator i kësaj fushate?
12. A është depozituar në institucionet amerikane procesi i mbledhjeve të fondeve?
13. A ka qoftë edhe ndonjë dëshmi të këtij procesi mbledhjesh fondesh? Vertetime të lëshuara, deklarime nga donatorët shqiptarë për efekt të zbritjes së taksave, kur dhurojnë fondet?
14. A mund të deklarohen të paktën dhjetë emra donatorësh “demokratë patriotë” që kanë dhuruar? Dhe në çfarë shume kanë dhuruar?
Këto pyetje mbeten thelbësore për të kuptuar burimin e fondeve dhe përputhshmërinë e veprimeve të Partisë Demokratike me Kodin Zgjedhor dhe ligjin për financimit të partive politike. Transparenca në këtë rast mbetet elementi i vetëm që mund t’i japë vlerë kësaj kontrate për të cilën dimë me siguri që deri më sot janë paguar 750 mijë dollarë ndërsa shuma e parashikuar shkon në 6 milionë të tilla. (VNA.al)
