Mjeku kardiolog, Edvin Prifti u arrestua nga SPAK me akuzat e korrupsionit dhe pastrimit të parave.
Burime nga Prokuroria e Posaçme bëjnë me dije se në zyrën e doktorit, Edvin Prifti ka gjetur një zarf bosh, po me një emër sipër të një pacienteje.
Sipas informacioneve, SPAK ka marrë në pyetje pacienten që është e shtruar ende në spital.
Ervin Prifti përmendej në përgjimet që çuan në pranga grupin e dyshuar kriminal të Gjykatës së Krujës.
Ai mori ryshfet nga kryesekretarja e Gjykatës së Krujës për t’i operuar nënën.
Prifti dhe infermierja Trëndafile Frangu janë pezulluar nga detyra sot, pasi u kanë dalë emrat në përgjimet që po kryheshin në Gjykatën e Krujës, operacion që u finalizua me arrestimin e gjyqtares Enkeljeda Hoxha dhe tetë personave të tjerë.
Sekretarja e Gjykatës së Krujës Manuela Mallakuçi ka qenë nën përgjim pasi ishte përfshirë në lirimin e të dënuarit Saimir Petani.
Në një prej shumë bisedave që ka kryer, Mallakuçi është kapur duke folur me Priftin që t’i kryente një operacion jashtë radhe nënës së saj.
Kjo gjë ka bërë që prokurori Altin Dumani të nisë një hetim për korrupsion për mjekun Prifti dhe infermieren Frengu, të veçuar nga dosja kryesore e Krujës.
