Monika Kryemadhi në çdo dalje publike gjatë protestave të opozitës e ka vënë theksin mbi varfërinë dhe papunësinë e shqiptarëve.
Ndërkohë që qan hallet e popullit, nga ana tjetër, Kryemadhi shëtit me veshje të shtenjta, ku vetëm syzet kanë një çmim marramendës. Vite më parë ka publikuar fotot e vilës në Gjirin e Lalzit, të mbuluar nga luksi.
Në një kohë që shqiptarët kanë një sërë problemesh ekonomike dhe paguhen me paga të ulëta, me të cilat nuk sigurojnë dot as shpenzimet minimale të jetesës, syzet e Monika Kryemadhit kushtojnë rreth 1454 euro.
Vlerë të cilën shqiptarët duhet të punojnë minimalisht 5 muaj për të blerë vetëm një palë syze. Garderoba e Monika Kryemadhit, vlen me shifra që shqiptarët e thjeshtë as nuk i ëndërrojnë dot. Ndërsa një palë syze i kushtojnë sa pensioni i 10 personave në qytet e 30 në fshat dhe sa ndihma ekonomike e 10 familjeve në nevojë. Ndërkohë që sipas Kryemadhit dhe bashkëshortit të saj deklarojnë se nuk kanë asnjë biznes, vetëm rroga e një deputeti nuk e justifikon një çmim të tillë.
Me një kërkim të thjeshtë në internet syzet e Kryemadhit kanë vlerën e rreth 1500 eurove, të markës “Chrome Hearts”, me flori të bëra me dorë, të modelit “Diamond Dog”. Këto lloj syzesh kanë një sasi të limituar në treg dhe mezi gjenden, por kryetarja e LSI-së i ka gjetur dhe shëtit me to nëpër Tiranë.
